Türkiyə Yunanıstanın təxribatları barədə NATO-ya məlumat göndərəcək

Ankara Egey və Aralıq dənizlərində S-300 hava hücumundan müdafiə sistemlərindən istifadə edən Yunan tərəfinin təxribatları barədə NATO-ya məlumat göndərəcək. Bu barədə Türkiyənin Milli Müdafiə Nazirliyi məlumat yayıb.

Nazirlik xatırladıb ki, Yunanıstan hava hücumundan müdafiə sistemləri avqustun 23-də Türkiyə Hərbi Hava Qüvvələrinin F-16 qırıcılarını təqib etmək üçün işə salınıb. Oxşar hadisə xüsusilə Rodos adasının qərbində baş verib.

Türkiyə Müdafiə Nazirliyi Yunanıstanın hərəkətlərinin "müttəfiqlik ruhuna” zidd olduğunu, bununla əlaqədar olaraq təyyarə radarlarından alınan məlumatların NATO nümayəndələrinə ötürüləcəyini vurğulayıb. Hadisələrlə bağlı həm Alyansın katibliyi, həm də hərbi-siyasi bloka daxil olan ölkələr məlumatlandırılacaq.

Bu arada Yunan tərəfinin Türkiyənin həm havada, həm də dəniz məkanında təxribatları səngimir.

İlin əvvəlindən Yunanıstan Hərbi Hava Qüvvələrinə məxsus təyyarələr Türkiyə hava sərhədlərini 256 dəfə pozub. Eyni zamanda 158 halda Türkiyə aviasiyasına qarşı təxribat olub.


www.anews.az