Paşinyan Qarabağın müstəqilliyi ideyasından əl çəkmədiyini bildirib
02.09.2022 12:36
Ermənistan baş naziri Nikol Paşinyan erməni separatçılarının Dağlıq Qarabağın müstəqilliyinin və Azərbaycanın Şaumyan rayonunun ona "birləşdiril"məsinin 31-ci ildönümü ilə ilə bağlı geniş bəyanat yayaraq, bu hərəkətlərə bəraət qazandırıb. O, bu qərarı "Artsax ermənilərinin təhlükəsizliyinin və hüquqlarının müdafiəsinin zəmanəti" adlandırıb. Bu barədə Turan İnformasiya agentliyi Ermənistan KİV-ə istinadən məlumat yayıb.
1991-ci il sentyabrın 2-də erməni separatçılar Dağlıq Qarabağın müstəqilliyini elan ediblər və Azərbaycanın Şaumyan rayonunu da ona "birləşdiriblər".
"Artsax ermənilərinin təhlükəsizliyi və hüquqlarının müdafiəsi məsələləri və müvafiq olaraq Dağlıq Qarabağın statusu məsələsi həll olunmadan Dağlıq Qarabağın ərazi vahidi olaraq mövcud olmaması və Dağlıq Qarabağ probleminin həlli haqqında heç bir bəyanat əhəmiyyət kəsb etmir. Bu məsələnin həlli üçün ATƏT-in Minsk Qrupunun həmsədrləri beynəlxalq ictimaiyyət tərəfindən təsdiq edilmiş və ləğv edilməmiş mandata malikdir", Paşinyan bildirib.
O, beynəlxalq ictimaiyyəti "Dağlıq Qarabağda etnik təmizləmələrə" imkan verməməyə çağırıb və "dinc, sivil yollarla" Qarabağ əhalisinin təhlükəsizliyini təmin edəcəyinə söz verib.
Qarabağ separatçılarının lideri Arayik Arutyunyan öz bəyanatında 2 sentyabr 1991-ci ili "tarixi gün" adlandırıb.
"31 il sonra Artsax xalqı əminliklə və qətiyyətlə bildirir ki, zamanın bütün sınaqlarına baxmayaraq, o, öz qərarına, seçdiyi dönməz yola sadiqdir. Arsax möhkəm dayanmalı, ermənilərə məxsus olaraq qalmalı və öz müstəqillik yolunu davam etdirməlidir", o bildirib.
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Siyasət 19:41
Ərdoğan Əliyevi Ankarada keçiriləcək Türk Dövlətləri Təşkilatının zirvə görüşünə dəvət edib
Foto
Video
