Zəngilan hava limanının açılacağı gün bəlli oldu
18.09.2022 12:51
Azərbaycanda Zəngilan Beynəlxalq Hava Limanının açılışı bu il oktyabrın 20-də baş tutacaq. Bu barədə Türkiyə prezidenti Rəcəb Tayyib Ərdoğan bildirib.
Türkiyə dövlətinin başçısı qeyd edib ki, Azərbaycan Prezidenti İlham Əliyevlə birlikdə hava limanının açılış mərasimində iştirak edəcək.
"İlham Əliyev bizdən səfərin tarixini dəqiqləşdirməyi xahiş etdi. Zəngilan hava limanının açılışından sonra Cəbrayıl şəhərinə yollanacağıq, burada təntənəli mərasim keçiriləcək. Müvafiq razılıq əldə olunub”, - "Anadolu” agentliyi Ərdoğana istinadən xəbər verir.
O, Azərbaycanda keçiriləcək tədbirlərdə digər liderlərin də iştirakını istisna etməyib. "Qərarı Bakı verəcək", - Türkiyə lideri bildirib.
Zəngilan Beynəlxalq Hava Limanı Azərbaycanın işğaldan azad edilmiş ərazilərində Qarabağda və Şərqi Zəngəzurda tikilmiş Füzulidən sonra ikinci hava limanıdır.
Onun tikintisinə 2021-ci ilin yazında başlanılıb. Hava limanının uçuş-enmə zolağının uzunluğu 3000 metr, eni isə 60 metrdir. Hava limanı terminalının tutumu saatda 200 sərnişin üçün nəzərdə tutulub. Platformanın sahəsi 60 kvadratmetrdir.
Hava limanına ICAO və IATA (müvafiq olaraq UBBZ və ZZE) beynəlxalq kodları, həmçinin EUROCONTROL naviqasiya vasitələrinin bütün çağırış işarələri verilib.
N.Təbrizli
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Siyasət 19:41
Ərdoğan Əliyevi Ankarada keçiriləcək Türk Dövlətləri Təşkilatının zirvə görüşünə dəvət edib
Foto
Video
