BMT Azərbaycanın reytinqini aşağı salıb - FOTO/ VIDEO

 

"Azərbaycan bu il 13 pillə geriləyərək 193 ölkə arasında 83-cü pillədə yer alıb. Reytinq iki ildən bir açıqlanır. Ötən reytinqlərdə -2018, 2020-ci illərdə Azərbaycan eyni yerdə-70-ci pillədə qərarlaşmışdı", - Əliyev  deyib. 

 

Onun sözlərinə görə, Elektron xidmətlər üzrə Azərbaycan 100 mümkün baldan 61, telekommunikasiya infrastrukturu üzrə - 67, insan kapitalı üzrə isə 79 bal qazanıb. 

"Hesabatdan görünür ki, Azərbaycanda ən zəif vəziyyət elektron xidmətlər istiqamətində olub. Bizim ən bərbad vəziyyətimiz elektron xidmətlər istiqamətinin alt qrupu olan elektron iştirakçılıq indeksi olub. Bu indeks üzrə biz 25 pillə geriləyərək ötənilki 73-cü yerdən 98-ci yerə düşmüşük.  Elektron iştirakçılıq üzrə hətta elə bəndlər var ki, Azərbaycan onların qiymətləndirilməsi zamanı 0 bal alıb. Bu 2016-cı illə müqayisədə 51 bal geriləmək deməkdir”, - deputat bildirib.  

Millət vəkili onlayn şəffaflıq, informasiya açıqlığı, xidmətlərə və ictimai informasiyalara əlçatanlıq texnologiyaları üzrə genişzolaqlı mobil istifadəçilər üzrə də nəticələrin qənaətbəxş olmadığını qeyd edib. 

Deputat BMT-nin hesabatının şəffaflığı barədə danışarkən bildirib ki, hesabatda son zamanlarda görülən işlər, xüsusən mobil həllər Bakının rayonları xaric  regional elektron xidmətlər nəzərə alınmayıb. 

Millət vəkili  çıxışında, nazirliklərdə rəqəmsallaşma problemlərinin həlli üçün bu işin ən azı müavin səviyyəsində məsul şəxslərin nəzarətinə verilməsini vacib sayıb.