ABŞ və Azərbaycan arasında 9 yeni sənəd imzalanacaq - Xəzər İbrahim

"Yeni imzalanacaq sənədlər həm ticarət, həm də digər əlaqələrin inkişafına  kömək edəcək.  İndiyədək ABŞ və Azərbaycan arasında 86 saziş imzalanıb. Hazırda doqquza yaxın müqaviləyə baxılır”, - deyə Xəzər İbrahim  "Rasim Babayevlə  söhbət” müəllif YouTube kanalına müsahibəsində bildirib.

Onun sözlərinə görə, Azərbaycan və ABŞ arasında imzalanacaq yeni sənədlər iki ölkə hüquqi bazanın daha da genişləndirilməsinə yönəlib.

"Ən vacibi odur ki, indiyə kimi  imzalanan sazişlər işləyirlər və bizim əlaqələrimizi inkişaf etdirmək üçün onlardan istifadə edirik. Düşünürəm ki, biz bunu etmək üçün çox məhsuldarıq. Amma necə deyərlər, təkmilləşmək üçün həmişə yer var. Buna görə də biz hüquqi bazamızı daha da dərinləşdirməyə və genişləndirməyə çalışacağıq”, - deyə azərbaycanlı diplomat vurğulayıb.

Gələn il ABŞ-Azərbaycan iqtisadi tərəfdaşlıq üzrə birgə komissiyanın (BMK) da iclasının keçirilməsi gözlənilir. Bunu Anews.az-a Azərbaycanın maliyyə naziri Samir Şərifov bildirib.

Onun sözlərinə görə, ABŞ ilə komissiyanın formatı dəyişəcək. Bu, təkcə iqtisadi deyil, həm də çox profilli olacaq. 

"Komissiya siyasət, iqtisadiyyat və humanitar məsələləri əhatə edəcək. Hazırda bu məsələ ilə bağlı Amerika tərəfi ilə danışıqlar aparılır”, -  Şərifov  bildirib.

ABŞ-la iqtisadi tərəfdaşlıq üzrə birgə komissiyanı sonuncu dəfə (dördüncü) iclası 2019-cu ilin mayında Bakıda keçirilıb. Beşinci iclasın Vaşinqtonda baş tutacağı gözlənilir.