Azərbaycanda orden və medallar layiq olan şəxslərə verilmir - DEPUTAT - VİDEO

Bəzi qurumlar səlahiyyətlərindən istifadə edərək istədiyi şəxslərə medal verir, əksinə haqqı çatanlar isə kənarda qalır. Bunu Parlamentin bu gün keçirilən iclasında deputat Fazil Mustafa "ASAN xidmət” ilə səmərəli əməkdaşlığa görə  "orden və medallarının təsis edilməsi haqqında” qanun layihəsinin müzakirəsi zamanı deyib. 


"Ayrı- ayrı qurumlarla bağlı addımlar atırıq. Amma medalların verilməsi istiqamətində bir mexanizm olmalıdır. Məsələn 44 günlük müharibədə kimlərinsə əli ilə layiq olmayanlar medal və ordenlər aldı. Layiq olanlar isə ala bilmir. Hesab edirəm ki, hazırda layiq olub amma bu medalları ala bilməyən şəxslər var. Arada layiq olan 5-6 nəfəri də təltif edin ki, haqq öz yerini tapsın”, - deputat əlavə edib. 


Deputat onu da bildirib ki, prezident bu msələlərdə çox diqqətlidir, sadəcə ona bu məsələri çatdırmaq lazımdır. 


Gülnar Nazimqızı 
www.anews.az