İlham Əliyevin Naxçıvana səfəri başladı

Azərbaycan Respublikasının Prezidenti İlham Əliyev aprelin 7-də Naxçıvan Muxtar Respublikasına səfərə gəlib. ANN.Az prezidentin rəsmi saytına istinadən xəbər verir ki, Naxçıvan Beynəlxalq Hava Limanında dövlətimizin başçısının şərəfinə fəxri qarovul dəstəsi düzülüb. Prezident İlham Əliyevi Naxçıvan Muxtar Respublikası Ali Məclisinin Sədri Vasif Talıbov və digər rəsmi şəxslər qarşılayıblar. Dövlət başçısı fəxri qarovul dəstəsinin önündən keçib. Azərbaycan Prezidenti Naxçıvan Muxtar Respublikasının rəhbər şəxsləri ilə görüşüb. Prezidentin səfər zamanı Naxçıvanda tikilən Bayraq Meydanının açılışında iştirak edəcəyi də gözlənilir.ANN.Az