Zaxarova Paşinyanı tənqid edib

Ermənistanın baş naziri Nikol Paşinyan Azərbaycan ekoloqlarının  Laçın dəhlizini bağlanması və Rusiya sülhməramlılarının öz missiyasını yerinə yetirməməsi səbəbindən Dağlıq Qarabağda son dərəcə gərgin humanitar vəziyyətin yaranmasından danışıb.

"Laçın dəhlizində  yaranmış böhran hələ də həllini tapmayıb. Azərbaycanın qeyri-qanuni blokadası nəticəsində Dağlıq Qarabağda humanitar vəziyyət son dərəcə gərgindir. Bakının hərəkətləri qanunsuzdur və beynəlxalq öhdəlikləri, xüsusən də 9 noyabr 2020-ci il tarixli üçtərəfli bəyanatın müddəalarını pozur”, - Paşinyan cümə axşamı hökumətin iclasında deyib.

Onun sözlərinə görə, Ermənistan, Rusiya və Azərbaycan dövlət başçılarının imzaladığı bəyanata əsasən, Laçın dəhlizi Rusiya sülhməramlılarının nəzarətindədir və Azərbaycan maneəsiz hərəkətə zəmanət verməlidir.

"Rusiya sülhməramlı missiyası Laçın dəhlizinə nəzarət üzrə üzərinə götürdüyü öhdəlikləri yerinə yetirmir. Təbii ki, bu, Azərbaycanın hərəkətləri ilə bağlıdır, lakin bu, mənasını dəyişmir”, - Paşinyan qeyd edib.

O, həmçinin Dağlıq Qarabağ probleminin həllində beynəlxalq ictimaiyyətin fəallaşmasının vacibliyini bildirib. 

"Həmçinin Dağlıq Qarabağa və Laçın dəhlizinə BMT, ATƏT və ya ATƏT-in Minsk Qrupunun faktaraşdırıcı missiyasının göndərilməsi üçün fəal işləmək lazımdır", - Paşinyan bildirib.

Bundan əlavə, o, Ermənistanın Azərbaycana sülh müqaviləsi ilə bağlı təkliflərini təqdim etdiyini və Ermənistanın bu məzmunda saziş imzalamağa hazır olduğunu deyib. 

Azərbaycan ekoloqları Şuşa yaxınlığında etiraz aksiyası keçirir. Buna səbəb Qızılbulaq və Dəmirli neft mədnlərinin Qarabağın erməni əhalisi tərəfindən beynəlxalq ekologiya qaydalarına uyğun olmadan istismar etməsidir. 

 

Bunun qarşısını almaq üçün ekoloqlar yataqda monotorinq keçirmək istəyib. Amma Rusiya sülhməramlıları onları yatağa buraxmyınb.