Azərbaycan Ruben Vardanyandan Dağlıq Qarabağı tərk etməyi tələb edib
23.12.2022 17:33
Azərbaycan erməni əsilli milyarder Ruben Vardanyandan Qarabağ ərazisini tərk etməyi tələb edir. Bunu Azərbaycanın xarici işlər naziri Ceyhun Bayramov Moskvada rusiyalı həmkarı Sergey Lavrov ilə görüşdən sonra keçirilən mətbuat konfransında bildirib.
Ermənistanın baş naziri Nikol Paşinyan bir müddət əvvəl Rusiyanı Azərbaycanın aksiya keçirdiyi Laçın dəhlizinə nəzarət üzrə öhdəliklərini yerinə yetirməməkdə ittiham edib. O hesab edir ki, Ermənistanla Dağlıq Qarabağı birləşdirən yeganə nəqliyyat yolunun bağlanmasına məhz Rusiya tərəfi icazə verib.
Rusiyanın xarici işlər naziri Sergey Lavrov bildirib ki, bu yaxınlarda Rusiya vətəndaşlığından imtina edən milyarder Ruben Vardanyanın Qarabağa gedib orada siyasi fəaliyyətlə məşğul olması ilə Moskvanın heç bir əlaqəsi yoxdur.
Sentyabrın əvvəlində Vardanyan Rusiya vətəndaşlığından imtina edərək Qarabağ köçmək qərarına gəlib. Vardanyanın Ermənistanla Azərbaycan arasında növbəti gərginliklə bağlı belə bir addım atdığı bildirilirdi.
Dekabrın 22-də Rusiya prezidenti Vladimir Putin müvafiq müraciəti təmin edən fərman imzalayıb.
Forbes jurnalının məlumatına görə, Vardanyan 1 milyard dollara sahibdir.O, Rusiyanın 200 ən varlı iş adamı reytinqində 116-cı yerdədir - 2021. 2020-ci ildə bu siyahıda 103-cü yerdə idi.
Gülnar Nazimqızı
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Siyasət 19:41
Ərdoğan Əliyevi Ankarada keçiriləcək Türk Dövlətləri Təşkilatının zirvə görüşünə dəvət edib
Foto
Video
