İrəvanın qeyri konstruktiv mövqeyi danışıqar prosesinə mane olur

Azərbaycanın xarici işlər naziri Ceyhun Bayramov 2022-ci ildə Ermənistanla sülh müqaviləsi və sərhədlərin delimitasiyası üzrə danışıqlarda əldə olunan irəliləyişi məhdud hesab etdiyini qeyd edib. 

"Sülh müqaviləsi ətrafında müzakirələrə dair danışıqların birinci raundu  Cenevrədə, ikincisi - Vaşinqtonda baş tutub. Üçüncü raund Moskvada Ermənistan tərəfinin narazıığı səbəbindən  baş tutmayıb.  Ümumilikdə əldə edilən irəliləyiş  çox məhduddur, buna səbəb erməni tərəfinin qeyri-konstruktiv və qeyri-ardıcıl mövqeyidir”, - Bayramov 2022-ci ilin yekunlarına dair mətbuat konfransında bildirib.

Onun sözlərinə görə, sülh müqaviləsinin imzalanması, Ermənistanla sərhədlərin delimitasiyası və regionda kommunikasiyaların açılması üç fərqli prosesdir.

Eyni zamanda o vurğulayıb ki, İrəvandan tez-tez daxili auditoriyaya yönəlmiş bəyanatlar eşidilir.

 

"Ermənistan praqmatik addımlar atmalı və üzərinə götürdüyü öhdəlikləri yerinə yetirməlidir. Biz öz tərəfimizdən Ermənistanın öhdəliklərinin bir hissəsini yerinə yetirməsi üçün səylərimizi davam etdirəcəyik", - Bayramov bildirib.

Onun sözlərinə görə, uğur 2022-ci ildə Azərbaycanın Laçın şəhəri, Laçın rayonunun Zabuh və Sus kəndləri üzərində nəzarəti bərpa etməsi olub.

Eyni zamanda, bu yaşayış məntəqələrini tərk edən ermənilərin yüzlərlə evi dağıddığını vurğulayıb.

Bayramov əlavə edib ki, mina təhlükəsi ciddi problem olaraq qalır.

 

"Bu məsələ ilə bağlı sənəd və materiallar  aidiyyəti orqanlara göndərilib.

 

2020-ci ilin noyabrında 276 nəfər mina partlayışlarının qurbanı olub. 46 nəfər, o cümlədən 35 mülki şəxs həlak olub”, - deyə Azərbaycan Xarici İşlər Nazirliyinin rəhbəri əlavə edib.