Vardaryan istefaya gedir - Yerinə Nersisyan gəlir - "Hraparak nəşri"

 

Nəşrin əldə etdiyi məlumata görə Vardaryanı separtçıların baş prokuroru Qurgen Nersisyan əvəz edəcək. 

 

Qəzetin yazdığına görə isə Ruben Vardaryan da Xankəndində qalacaq və digər işlərdə yardımçı olacaq. 

 

Siyasi məsələlər üzrə ekspert Samir Hümbətov deyir ki, Vardaryanın gedib, yerinə kiminsə gəlməsi proseslərə heç bir təsirini göstərməyəcək.

 

"Azərbaycan tələb edir ki, Vardaryan da daxil olmaqla separtçı rejimi idarə edənlər birdəfəlik oranı tərk etsin. Vardaynın könüllü istefa verməsi ilə Qarabağda bir dəyişiklik olmayacaq. Separtçı rejimin içində olan şəxslər var ki, onlar bu gün də Qarabağı Azərbaycan torpağı kimi qəbul edir və Azərbaycana birləşmək istəyir. Sadəcə onları idarə edənlər buna imkan vermir", - ekspert bildirib. 

Fevralın 8-də Ruben Vardaryanın Moskvaya getməsi barəsində Ermənistan mətbuatında xəbərlər yayılmışdı və qeyd olunmuşdu ki, o Qarabağa qayıtdıqdan sonra könüllü istefa verə bilər. 

 

Bir neçə gün öncə prezident İlham Əliyev Münhendə Ermənistanın baş naziri Nikol Paşinyanla panel çıxışında bildirmişdi ki, Azərbaycan Vardaryanın birmənalı olaraq getməsini tələb edir. 

 

2022-ci ilin sentyabrın 1-də erməni əsilli rusiyalı milyarder Ruben Vardanyan Qarabağa köçdüyünü və Rusiya vətəndaşlığından imtina etdiyini açıqlayıb. 
 
"Qondarma Dağlıq Qarabağ Respublikası"nın prezidenti Arayik Arutyunyan Ruben Vardanyanı 2022- ci il noyabrın 4- də dövlət naziri təyin edib.

Forbes jurnalına görə, Vardanyanın 1 milyard dolları var. 2021-ci ilin sonuna sahibkar Rusiyanın 200 ən varlı iş adamı reytinqində 116-cı yeri tutub. 2020-ci ildə isə o, bu siyahıda 103-cü yerdə idi.

 

Gülnar Nazimqızı