Ermənistandan Qarabağa silah-sursat belə daşınır - VİDEO

Ermənistandan Qarabağa silah,sursat, və yanacaq aparılmasına dair video sübutlar yayılıb. Bu barədə Caliber.az saytı hərbi mənbələrindən görüntülər əldə edib.
 
Sayt qeyd edir ki, Xankəndi-Xəlfəli-Turşsu yolundan istifadə etməklə daşınma gecə-gündüz həyata keçirilir və hər iki istiqamətdə nəqliyyatın hərəkəti müşahidə olunur. 
 
Videoda ilk saniyələrdə Xankəndindən Ermənistan istiqamətində hərəkət görünürsə, 8-ci və 39-cu saniyələrdə Ermənistandan Xankəndinə doğru hərəkət edir. 46-cı saniyədən - yenə Xankəndindən Ermənistana doğru.

 

2020-ci ildə imzalanan üçtərəfli bəyanata görə Qarabağa giriş yolu Laçından dəhilizindən keçməklə həyata keçirilməlidir. 

 

Müdafiə Nazirlinin martın 5-də yaydığı açıqlamaya görə qeyri-qanuni erməni birləşmələrinin təxribatı nəticəsində qanunsuz hərbi daşınmalar həyata keçirən nəqliyyat vasitələri Azərbaycan Ordusunun bölmələri tərəfindən saxlanılaraq yoxlanılmasına cəhd göstərilib.

Qarşı tərəfdən atəş açılıb və baş vermiş atışma nəticəsində Azərbaycan Ordusunun 2 hərbi qulluqçusu şəhid olub. 

Azərbaycan tərəfi Rusiya sülhməramlı kontingentinin komandanlığının diqqətinə çatdırır ki, üçtərəfli Bəyanatın bəndlərinin yerinə yetirilməsi qeyd-şərtsiz və tam təmin edilməlidir.

Qarabağ iqtisadi rayonu ilə Ermənistan Respublikası arasında yeganə istifadə oluna biləcək avtomobil yolu Xankəndi-Laçın yoludur.

 

 

 

Gülnar Nazimqızı