Latviya prezidenti Bakıya gəlir

Dövlət başçısı Bakıda bir sıra ikitərəfli görüşlər keçirəcək.

 

Siyasi şərhçi Tural İsmayılovun fikrincə, Azərbaycan və Latviya əməkdaşlığının növbəti bir mərhələyə daşımaqla bağlı görüş olacaq.

 

"Bu gün Latviya Şərqi Avropada önəmli mövqeyləri olan ölkələrdən biridir. Bu səfərə bir neçə kodeksdən nəzər yetirmək lazımdır. Birincisi prezidentin Azərbaycana səfəri bizim üçün vacib nüanslardan biridir. Azərbaycan Avropa Enerji Təhlükəsizliyində xüsusi rol oynayır. Latviya buna xüsusi diqqət yetirir.  Dəfərlərlə latviya və Azərbaycan arasında müxtəlif biznes formlar keçirilib. Baş tutan tədbirlərdə Azərbaycan və Latviya şirkətlərinin biznesmenləri arasında görüşlər təşkil olunub. Eyni zamanda iki ölkə arasında həm iqtisadi, həm də mədəni əlaqələrdə saysız sənədlər imzalanıb. Fikrimcə, Azərbaycanla Latviya əməkdaşlığının növbəti bir mərhələyə daşımaqla bağlı razılq əldə edəcəklər",- siyasi şərhçi əlavə edib.

 

Latviya Azərbaycanın müstəqilliyini 1992-ci ildə tanıyan ölkələrdən olub. İki ölkə arasında diplomatik münasibətlər 1994-cü ildə başlayıb. 
 
Azərbaycanın Latviyada Səfirliyi 2005-ci il,  Latviyanın isə Azərbaycandakı Səfirliyi isə 2006-cı ildə açılıb.
 
1997-ci il martın 7-də "Azərbaycan-Baltikyanı ölkələri (Latviya, Litva, Estoniya) parlamentlərarası əlaqələr üzrə işçi qrupu" yaradılıb və ilk rəhbəri Yusif Vəkilov olub. 2016-cı ili martın 4- dən Kamran Bayramov işçi qrupunun rəhbəridir.

Latviya Seymində isə Azərbaycan Parlamenti ilə əməkdaşlığın təşviqi qrupu fəaliyyət göstərir. Qrupun rəhbəri Roman Naudinşdir.

İndiyədək iki ölkə  arasında 43 sənəd imzalanıb.
 
Azəraycanda 47 Latviya şirkəti  tikinti, xidmət, sənaye, rabitə, nəqliyyat, ticarət, bank və sığorta sahəsində fəaliyyət göstərir.

Aytac Zeynalova