Paşinyan Putini həbs etdirmək istəyir

Beynəlxalq Cinayət Məhkəməsi bu qurumun qərarlarını tanıyan ölkələrdə Rusiya Prezidenti Vladimir Putinin həbsi barədə qərar qəbul etdikdən sonra müxtəlif dövlətlər bu məsələyə fərqli reaksiya verdilər. Ermənistanın Konstitusiya Məhkəməsi bunu daxili qanunvericiliyə uyğun hesab etdiyini açıqlayıb. Vladimir Putin Ermənistanda da həbs oluna bilər.

Rəsmi İrəvan zaman-zaman Moskvanın yardımlarından istifadə edib. Amma xüsusilə hazırkı baş nazir Nikol Paşinyan həm də hər fürsətdə Kremlə "badalaq vurub”. Hökumət başçısının Ermənistanın üzvü olduğu Kollektiv Təhlükəsizlik Müqaviləsi Təşkilatı (KTMT) haqqında ayrı-ayrı vaxtlarda səsləndirdiyi fikirlər, həmçinin Vətən müharibəsindəki məğlubiyyətə görə birbaşa və dolayısı yolla Kreml rəhbərini ittiham etməsi İrəvanın sürüşkən siyasətinin təzahürüdür.