Britaniya səfiri Fazil Mustafaya edilən terror aktını pisləyib

Britaniyanın Azərbaycandakı səfiri Fergus Auld Milli Məclisin deputatı Fazil Mustafaya qarşı terror aktını pisləyib. Bu barədə o, tvitter hesabında yazıb.

Fergus Auld bildirib ki, bir neçə ay əvvəl Fazil Mustafayla tanış olmaq imkanı olub.

"Dünən axşam ona qarşı baş verən silahlı hücum məni çox kədərləndirdi. Bu hadisəni şiddətli şəkildə qınayır və onun tezliklə sağalmasını arzulayıram", - səfir bildirib.

Dünən axşam saatlarında Milli Məclisin deputatı Fazil Mustafaya qarşı silahlı hücum edilib. Dövlət Təhlükəsizlik Xidmətinin məlumatına görə, 28 mart 2023-cü il tarixində deputat Fazil Mustafa Sabunçu rayonundakı evinin qarşısında "Kalaşnikov” avtomatından açılan atəş nəticəsində iki güllə yarası alıb. Ona zəruri tibbi xidmətlər göstərilir və vəziyyəti stabil olaraq qiymətləndirilir. Həyati təhlükəsi yoxdur. 

Faktla bağlı araşdırma aparılır.

 

Aytac