Son günlər xəyanətkar qvardiya yenidən aktivləşib - Deputat/VİDEO

Azərbaycanda son günlər xəyanətkar qvardiya yenidən aktivləşib, amma bir dənə sağlam arqument yoxdur. Bunu deputat Bəhruz Məhərrəmov aprelin 11-də keçirilən plenar iclasda çıxışı zamanı deyib. 

"Bunlar nə üzlə demokratik dəyərlərdən danışırlar, nazir gəlib canlı efirdə aparıcını döyürdü, hansı haqla, hansı nəticə ilə bunlar sosial rifahdan, iqtisadiyyatdan danışır? Elə bir mühit formalaşdırılar sanki, Azərbaycan dövlətçiliyinin, o cümlədən, Azərbaycan xalq cumhuriyyətinin irsinin varisi bunlardır. Bəli, siz  Xalq Cumhuriyyətinin İrəvanın Ermənistana verilməsi prosesinin varisliyini davam etdirdiz, hakimiyyətə gəlmək, hakimiyyətdə torpaqları ya satdınız ya da ermənilərə peşkəş verdiniz. Bu antimilli dairələr, onların sosial mediaya birə darışmış xain ünsirləri indi də casusları müdafiə etməklə belə bir fon yaratmaq niyyətindədirlər ki, sanki, biz xainləri yox dindarları hədəfə almışıq. Ay adam, ay insan Heydər Əliyev və İlham Əliyev hakimiyyəti illərində ölkədə tikilən məscidlərin sayı sənin o xəyanətkar şuranın üzvlərinizin sayından çoxdur. Qonşu dövlətin casuslarına möhtac qalan, yaxud əməli məhkəmə qaydasında sübut olunmuş məhbusların estafet kimi bir-birinə ötürdükləri saxta "aclıqlarla” qidalanan, bu sayədə ayaqda qalan bir müxalifət, bu xalq üçün ətrafa üfunət yayan cəsəddən başqa bir şey deyil", -deputat vurğulayıb.


www.anews.az