İran İsraili Azərbaycanla münasibətlərini pisləşdirməkdə ittiham edir

"Sionist rejim (İsrail nəzərdə tutulur) öz milli təhlükəsizlik strategiyasının regionda qeyri-sabit və təhlükəsiz mühit yaratmaqdan ibarət olduğuna inanır. "Bəzi insanların fikir ayrılıqlarından faydalandıqlarını dərk edərək, İran və Azərbaycan arasındakı diplomatik sahədə biz diplomatik təşəbbüslərlə bu gərginliyi aradan qaldırmağa çalışmışıq”, - XİN rəsmisi bildirib. 

Kənani Çafi vurğulayıb ki, Tehran və Bakı arasında mövcud fikir ayrılıqlarına baxmayaraq, xarici işlər nazirləri üç raund telefon danışığı aparıblar və bu danışıqlar "müsbət şəkildə aparılıb". Tərəflər "mövcud vəziyyətdən çıxmaq və ölkələr arasında münasibətlərin gərginliyini azaltmaq üçün ümumi yanaşma işləyib hazırladılar”.  İran Xarici İşlər Nazirliyinin rəsmi nümayəndəsi İslam Respublikası Azərbaycanla münasibətləri normala qaytara biləcəyinə ümid edir. 

Bakı ilə Tehran arasında münasibətlər bu ilin yanvarında Azərbaycanın İrandakı səfirliyinə silahlı basqın nəticəsində diplomatik missiyanın mühafizə rəisinin həlak olması və onun iki həmkarının yaralanmasından sonra xüsusilə gərginləşib. Hadisədən sonra Azərbaycan səfirliyi diplomatik fəaliyyətini dayandırıb, əməkdaşları və onların ailə üzvləri Azərbaycana təxliyə edilib. Rəsmi Bakı Tehranın son vaxtlar Azərbaycanla sərhəddə təşkil etdiyi irimiqyaslı hərbi təlimləri də qeyri-dost addım kimi qiymətləndirir. Bundan əlavə, Bakı martın sonunda Azərbaycan parlamentinin deputatı Fazil Mustafanın həyatına sui-qəsddə İranın əli olduğunu açıqlayıb.


www.anews.az