Vahid Əhmədovu tənqid edən deputatlar... - VİDEO

Vahid Əhmədov prezidentin sosial siyasətinə kölgə salır. Bunu aprelin 25-də Milli Məclisin keçirilən iclasında deputat Fəzail Ağamalı çıxışında deyib. 

 

"Bu günlərdə Vahid Əhmədov blogger Mehman Hüseynova msahibə verib. Müsahibədə təxribat xarakterli çıxışlar edib. Prezidentin sosial siyasətinə kölgə salıb. Heç bir partiya üzvü olmayan Əhmədov partiya fəaliyyətimizə xələl gətirir. Təklif edirəm iltizam komitəsində bu məsələyə baxılsın", - Ağamalı bildirib. 

 

Deputat Hikmət Babaoğlu bildirib ki, Vahid Əhmədov özünü Heydər Əliyevlə bərabər tutmaqla çox səhv addım atıb. 

 

"Sizin buna mənəvi haqqınız yoxdur Əhmədov. Azərbaycan keçirilən seçkiləri də şübhə altına alırsınız", - Babaoğlu bildirib. 

Milli Məclisin aprelin 25-də keçirilən iclasında 11-ə yaxın deputat Vahid Əhmədovun çıxışına sərt çıxışlar ediblər. Parlamentin sədri Sahibə Qafarova İntizam Komitəsinə bu məsələnin baxılması ilə bağlı tapşırıq verib. 

 

Vahid Əhmədov deputatlara cavab olaraq bildirib ki, o həmişə dövlətin yanında olub və qeyd edib ki, deputatların çıxışı ona qarşı qərəzli formada hazırlanıb. Kim tərəfindən hazırlanmasını isə zamanla açıqlayacaq. 

 

 

 

Gülnar Nazimqızı