Aleksandr Lentsov Qarabağa niyə gəlir? - AÇIQLAMA

Rusiya Federasiyasının müdafiə nazirinin keçmiş müşaviri çalışmış Lentsov bu vəzifədə general-mayor Andrey Volkovu əvəz edəcək.

 

Millət vəkili Arzu Nağıyevin sözlərinə görə, Aleksandr Lentsovun yeni komandir təyin olunması Rusiyanın regiondakı maraqlarına xidmət edəcək. 

 

"Rusiya heç vaxt öz maraqlarından əl çəkməyib. İstər Volkovun dövründə, istərsə də indi Rusiya üçün öz maraqları ən mühüm məsələdir. Amma bütün maraqlara baxmayaraq 2025-ci ildə sülhməramlıların mandatı bitir və bundan sonra onlar regionu tərk etməlidirlər", - Nağıyev bildirib.

"Gələn məlumatlar təstiq edir ki, sülhməramlıların yeni komandanı başqa bir missiya ilə bölgəyə gəlir. Təbii ki, biz bunu birbaşa deməkdə çətinlik çəkirik. Birdən-birə general polkovnik rütbəsində çalışan, vaxtı ilə böyük hərbi vəzifələr tutmuş bir şəxsin buraya göndərilməsi Rusiyanın bölgədə qalmaq istəkləri və mövqelərini möhkəmləndirməsi ilə bağlıdır. Mən bu rəhbər dəyişikliyində müsbət bir hal görmürəm. Rusiya Cənubi Qafqazdakı strateji mövqelərini bütün vasitələrlə möhkəmləndirməyə çalışır”, - Hüseynli bildirib.  

 

Aleksandr Lentsov 1956-cı il dekabrn 20-də Krasnodar diyarında anadan olub. Orta məktəbi bitirdikdən sonra Ryazan Ali Hava Desant Komandanlığı Məktəbinə qəbul edilib. 103-cü hava desant diviziyasının tağım komandiri vəzifəsində çalışıb. 1979-cu ildə Əfqanıstana göndərilib. 1980-1982-ci illərdə  hava-desant təlimlərinin təlimatçısı, kəşfiyyat briqadasının komandiri olub. Kəşfiyyat qrupuna rəhbərlik etdiyi 2 il ərzində  Lentsov bir döyüşçüsünü də itirməyib və bir çox mühüm tapşırıqları yerinə yetirib.

 

1982-ci ildə 234-cü paraşüt alayının kəşfiyyat komandiri, 1982-1983-cü illərdə 234-cü paraşüt batalyonunun qərargah rəisi təyin edilib. 1983-1986-cı illərdə də 234-cü Hava Desant Alayının batalyon komandiri olub.

 

Lentsov Əfqanıstan, birinci çeçen, ikinci çeçen, Bosniya, Cənubi Osetiya, Donbas və Suriya müharibələrində iştirak edib. 2013-cü ildən 2020-ci ilə qədər Rusiyanın Quru Qoşunları Baş Komandanının müavini vəzifəsini icra edib. O, 2014-cü ildə general rütbəsini alıb. 2009-2013-cü illər ərzində də Rusiya Hərbi Hava Qüvvələri komandirinin müavini vəzifəsində çalışıb.