The Economist: Ərdoğanın qalib gələcəyini gözləyirik

İngiltərənin "The Economist” jurnalı Türkiyədə mayın 14-də keçiriləcək seçkilərin təhlilini dərc edib. Sözügedən təhlildə prezident Ərdoğanın qalib gələcəyi bildirilib. Təhlildə seçkilərdən sonra Türkiyəni nələrin gözlədiyi ilə bağlı proqnozlar da yer alıb.

Jurnalın kəşfiyyat və təhlil qrupunun hazırladığı 9 səhifəlik hesabatın ilk cümləsində prezident Ərdoğanın seçki gecəsi qalib gələcəyi bildirilib.

Təhlilin davamında prezident Ərdoğanın seçkilərdə HDP-ni dəstəkləyən Millətlər Alyansı kimi "müxtəlif ideologiyalara malik müxalifət koalisiyası” ilə rəqabət apardığı bildirilib. "Bu koalisiyaya baxmayaraq, Ərdoğanın hakimiyyətini qoruyub saxlayacağını düşünürük”, - təhlildə deyilir.

Nəşr yazır ki, Ərdoğan aşağı faizli kredit, pensiya yaşının və pensiyaların artırılması, ödənilməmiş vergilərin, cərimələrin və digər dövlət borclarının yenidən strukturlaşdırılmasını öz üzərinə götürüb.

Hesabatın sonunda Türkiyənin xarici siyasət mövqeyi təqdim olunub. Türkiyənin Rusiya ilə münasibətlərinin dərinləşdiyini qeyd edən Economist, Ərdoğanın Rusiya-Ukrayna müharibəsində vasitəçi rolunu oynadığını xatırladıb.


www.anews.az