Fransanın xarici işlər naziri Ermənistanda Azərbaycanı yenə günahlandırdı
28.04.2023 16:55
Fransanın xarici işlər naziri Azərbaycanın Laçın dəhlizində nəzarət-buraxılış məntəqəsi yerləşdirməsini pisləyərək iki ölkə arasında razılaşdırmalara zidd olduğunu açıqlayıb. Bu barədə cümə günü Fransanın xarici işlər naziri Ketrin Kolonna Ermənistan xarici işlər naziri Ararat Mirzoyanla birgə mətbuat konfransında bildirib.
"Laçın dəhlizində nəzarət-buraxılış məntəqəsinin yaradılması iki ölkə arasında mövcud atəşkəs razılaşmalarına ziddir və əgər Bakının başqa narahatlığı varsa bunun üçün alternativ başqa addımlardan istifadə edə bilərdi",- nazir əlavə edib.
Mirzoyan əlavə edib ki, İrəvan Laçın dəhlizinin blokunun açılması məsələsi ilə bağlı Bakı ilə danışıqlar aparmağa hazırlaşmır, çünki bu, 9 noyabr 2020-ci il tarixli üçtərəfli bəyanat çərçivəsində həll olunub.
"Laçın dəhlizinin bağlanması qanunsuzdur. Sülh sazişi üzrə ciddi irəliləyiş əldə etmək üçün bu bənd, eləcə də digər sazişlər yerinə yetirilməlidir", - deyib.
Cümə axşamı Azərbaycanda olan Fransanın xarici işlər naziri Azərbaycanın xarici işlər naziri ilə göörüşündə də Laçında keçid məntəqəsinin qoyulmasını pisləyib. Nazir Ceyhun Bayramov Ketrin Kolona cavab olaraq bildirib ki, "Ermənistanın Qarabağa mina daşımasına görə Fransanın hər hansı bir etiraz açıqlamasını görməmişik".
Gülnar Nazimqızı
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Siyasət 19:41
Ərdoğan Əliyevi Ankarada keçiriləcək Türk Dövlətləri Təşkilatının zirvə görüşünə dəvət edib
Foto
Video
