Bu ay Bayramov və Mirzoyan Moskvada görüşəcək - Prezident

"Bu ay Rusiyada iki ölkə - Ermənistan və Azərbaycan nazirləri arasında danışıqların növbəti raundu keçiriləcək", - Əliyev deyib.

 

Eyni zamanda, o qeyd edib ki, iki ölkə arasında birbaşa danışıqları "daha ​​faydalı və zəruri” hesab edir. "Mən hesab edirəm ki, biz bu istiqamətdə daha da irəliləməliyik, əgər təbii ki, Ermənistan da buna hazırdırsa”, - o vurğulayıb.

İki ölkənin xarici işlər nazirləri arasında Vaşinqtonda keçirilən danışıqlara toxunan Əliyev ümid etdiyini bildirib ki, bu danışıqlar "konkret nəticələrlə olmasa da, heç olmasa irəliləyiş əlamətləri ilə yadda qalacaq”.

 

Bundan əvvəl, Rusiyanın xarici işlər nazirinin sözçüsü Zaxarova iki ölkənin xarici işlər nazirlərinin Rusiyada sülh müqaviləsi üçün görüşəcəyini açıqlamışdı.

 

Sonuncu dəfə 2022-ci ilin dekabrında Mirzoyan Ceyhun Bayramovla Moskvada görüşməli idi. Lakin xarici işlər naziri görüşə gəlməkdən imtina edib.
 
XİN başçıları sonuncu dəfə oktyabrın 2-də İsveçrənin Cenevrə şəhərində görüşüblər.
 
Həmçinin sentyabrın 19-da Nyu-Yorkda Azərbaycan xarici işlər naziri Ceyhun Bayramov, ABŞ dövlət katibi Entoni Blinken və Ermənistan XİN rəhbəri Ararat Mirzoyan arasında üçtərəfli görüş olub.
 
Hazırda Baramov və Mirzoyan Amerikadadır. Onlar sülh müqaviləsi üzrə danışıqlar prosesi həyata keçirir. Danışıqların bir neçə gün davam etdirilməsi gözlənilir. 
 

Gülnar Nazimqızı