Brüssel görüşündə hansı məsələlər müzakirə olunub? - ŞƏRH

 

"Brüssel görüşü üçlü formatda məhz Azərbaycanın təşəbbüsü ilə keçirilir. Fransa tərəfi istəyirdi ki, bu görüşdə Makron da iştirak etsin. Ötən ilin dekabrında da belə bir görüş planlaşdırılırdı. Azərbaycan həmin görüşə də Makronun qatılmasını qətiyyətlə rədd etmişdi. Nəticədə Paşiniyan Makronun olmamasını əsas gətirərək görüşə gəlmədi və bildirdi ki, Avropa Birliyi formatında keçirilən görüşlərə Fransa Prezidenti qatılmadığı təqdirdə Ermənistan tərəfi  gəlməyəcək. Amma bunun əksinə olaraq o yenə gəldi. Ermənistan  Brüssel görüşündə iki məsələnin üzərində dayanmaq istəyirdi. Birincisi Azərbaycanın Laçın yolunun başlanğıcındakı sərhəd-nəzarət buraxılış məntəqəsinin ləğvi məsələsini Avropa Birliyi dəstəkləsin, ikincisi isə tərəflərin şərti sərhədlərdəki mövqelərini geri çəkməsi məsələsindədə yenə də Qərbin dəstəyini alsın. Avropa Birliyi Prezidenti Şarl Mişelin açıqlamalarında göründüyü kimi Ermənistan tərəfinin bu istəyi baş tutmadı və görüşün gündəliyi Azərbaycanın təklif etdiyi formatda davam etdi. Görüşdə Azərbaycanın torpaq bütövlüyü artıq rəqəmlərlə qeyd olunur və dəstəklənir. Hər-hansı bir Artsax Respublikasından söhbət belə getmir. Görüşdə Qarababağda yaşayan insanların hüquq və təhlükəsizliyi məsələsi müzakirə edildi və Azərbaycan tərəfi ilk gündən buna hazır olduğunu bildirdi. Həmçinin görüşdə yolunu azaraq itkin düşən iki azərbaycanlı hərbiçinin qaytarılması məsələsi, minalanmış ərazilərlə bağlı məsələlər, Birinci Qarabağ savaşında itkin düşən insanların taleyi müzakirə olundu. Təbii ki, bu görüş nə Ermənistanı, nə də onlardan geosiyasi alət kimi faydalanmağı düşünənləri qane etmir. Ona görə də Brüssel görüşləri ərəfəsində sərhəddə müxtəlif təxribatlar baş verir. Bu təxribatların arxasında tək Ermənistan yox, həm də onun havadarları dayanır”, - millət vəkili bildirib.

 

Politoloq Tural İsmayılovun sözlərinə görə, Brüssel görüşünün nəticəsi Ermənistanın atacağı addımlardan aslıdır.

 

" Danışıqlar zamanı erməni tərəfi 1975-ci ilin xəritələrini qeyd etməkdə israr edirdi, lakin bu ifadə qəbul olunmadı. Nəticədə Şarl Mişelin bəyanatında ancaq Qarabağın Azərbaycanın ayrılmaz hissəsi olduğu Almatı bəyannaməsinə istinad oldu. Ermənistan Azərbaycanın ən azı 86 600 kvadrat kilometr ərazisini tanımaqla Qarabağın Azərbaycan ərazisi olduğunu rəsmən və açıq şəkildə etiraf edib.  Mişelin bəyanatının mətnində Laçın yolu ilə bağlı heç nə qeyd edilmir. Yeni reallıqlar beynəlxalq ictimaiyyət tərəfindən qəbul edilir. Bütün bu faktorlarla yanaşı Fransanın və Rusiyanın Brüssel formatını sabotaj etmək cəhdləri də aradan qalxdı.  Ermənistan üzərinə götürdüyü öhdəlikləri tam olaraq yerinə yetirməlidir. Şarl Mişelin bu məsələdə dinamik təzyiqləri həlledici olacaq”, - politoloq bildirib.

 

Siyasi şərhçi Azər Qasımlı Brüssel görüşünün sülh prosesinə ciddi təsir edəcəyini düşünmür və bunun səbəbini Rusiya faktorunda görür.

 

 

Tərəflər noyabrın sonuna qədər bu formatda yenidən görüşmək barədə razılığa gəlsə də, Ermənistan tərəfi bu görüşdən imtina edib.