Putin və Paşinyan arasında növbəti görüş nə vəd edir? - GÖZLƏNTİLƏR

 

 

 

"Nəzərə almaq lazımdır ki, bu gün Ermənistan-Rusiya münasibətlərində bir sıra gərginliklər mövcuddur. Ermənistan rəsmiləri b-birinin ardınca Rusiyanın əleyhinə zidd bəyanatlar verirlər. Təbii ki bu da Rusiya tərəfindən birmənalı qarşılanmır. Son günlər Erməni rəsmilərinin guyə Rusiyanın Ermənistana təyziq etməsi, Zəngəzur dəhlizi ilə bağlı addımlar atmağa onları məcbur etməsi ilə bağlı verdiyi bəyanatlar kifayət qədər sual yaradan məsələlərdir. Eyni zamanda Azərbaycanla sərhədin Ermənistan tərəfindən qorunması ilə bağlı bəyanatlarda bu istiqamətdə önəmli məsələlərdən biridir. Bu görüş də əsasən iki dövlət arasında mövcud narazılıqları müzakirə etmək, Ermənistana Rusiyanın mövqeyini çatdırmaq və verilən təkliflərin Ermənistan tərəfindən qəbul edilməyəcəyi təqdirdə baş verə biləcək hadisələrlə bağlı geniş müzakirələr aparılacaq. Bu gün Ermənistanın həyata keçirdiyi siyasət onların hazırki istiqamətindən geri dönəcəklərinə və Rusiya ilə fərqli münasibət quracağını söyləməyə əsas vermir",  - Ceyhun Məmmədov deyib.

 

Politoloq Elxan Şahinoğlu bildirib ki, həmişə olduğu kimi bu görüşdə də Paşiniyan Azərbaycandan Rusiyaya şikayət edəcək.

"Onsuzda Putin müxtəlif toplantılar vasitəsi ilə müxtəlif dövlətlərin baş Nnzirləri və prezidentləri ilə fikir mübadiləsi aparır. Aydındır ki, Paşiniyan yenə də Azərbaycandan Rusiyaya şikayət edəcək, amma bu Putin üçün artıq maraqlı mövzu deyil. Putinin Ermənistandan öz tələbləri var. Bu tələblərdən biri qərblə münasibətlərdə ehtiyyatlı olmaqdır. Biz son zamanlar görürük ki, Paşiniyan və onun komandasının üzvləri Rusiyadan uzaqlaşmağa çalışırlar və Kollektiv Təhlükəsizlik müqaviləsi Təşkilatını tənqid edirlər. Təbii ki, bu da Putinin xoşuna gəlmir. Yəqin ki, bütün bu məsələlər hamısı qapalı görüşdə müzakirə olunacaq. Paşiniyanın əsas narazılığı ondadır ki, Rusiya prezidenti Azərbaycana niyə əyziq etmir. Rusiya Azərbaycana təzyiq edədə bilməz, çünki Azərbaycan öz torpaqlarında qayda-qanun yaradır. Laçında sərhəd keçid məntəqəsinin yaradılması ilə bağlı da Ermənistanın Rusiyaya şikayəti var və məncə bu məsələ də müzakirə olunan məsələlər içərisində olacaq. Mən baş tutacaq bu görüşdən ciddi bir nəticə gözləmirəm", - ekspert bildirib

 

Nikol Paşinyan və Rusiya Prezidenti Putin arasında son görüş fevralın 22-si olub. Tərəflər üçtərəfli bəyanatların icrası, Ermənistan-Azərbaycan münasibətlərinin normallaşdırılması məsələlərinə də toxunublar.