İsrail müdafiə naziri Bakıya niyə gəlir? - GÖZLƏNTİLƏR

 
"İsrail və Azərbaycan bir çox sahələrdə əməkdaşlıq edir və bu əlaqələrin ən güclü inkişaf etdiyi sahələrdən biri hərbi sənaye sahəsidir. Hal-hazırda da İsrailin "Harop” pilotsuz uçuş aparatları Azərbaycan ordusunun arsenalındadır. Daha əvvəl İsrail prezidenti İshaq Hersoq və Xarici İşlər Naziri Eli Koenin Azərbaycana səfəri iki ölkə arasında olan əlaqələri növbəti bir mərhələyə daşıdı. Hesab edirəm ki, ölkələr arasındakı münasibətlərin bundan sonra daha da inkişak etməsi labüd məsələlərdən biridir. İranın bu məsələdə qıcıqlanmağının bizim üçün heç bir əhəmiyyəti yoxdur, çünki, Azərbaycan-İsrail əlaqələrinin yüksələn xətlə inkişaf etməsi İranda daxil olmaqla, hər-hansı üçüncü bir dövlətə qarşı yönəlməyib. Buna baxmayaraq, İranın Azərbaycana qarşı informasiya terroru davam edir. Bu baxımdan İsrail Müdafiə Nazirinin Bakı səfəri tarixi səfərlərdən biri olacaq və Azərbaycanla İsrail arasında hərbi əməkdaşlığın növbəti mərhələləri üçün yeni əməkdaşlıq sazişləri imzalanacaq. Bütün bunlar həm də Azərbaycanın təhlükəsizliyinin daha da gücləndirilməsinə xidmət edəcək”, - İsmayılov bildirirb.
 
Millət vəkili Ceyhun Məmmədov bildirib ki, Azərbaycan artıq müstəqil dövlətdir və istədiyi ölkə ilə əlaqə qura bilər.
 
"Bu cür görüşlərin keçirilməsi təbiidir. Azərbaycan müstəqil dövlətdir və digər dövlətlərlə münasibətini hansısa dövlətin maraqlarına uyğun olaraq qurmur. Bu hansısa dövlətin xoşuna gəlməyə bilər, bu onların öz işidir. Nəzərə almaq lazımdır ki, Vətən Müharibəsi dövründə və ondan əvvəlki dövrdədə İsrail hər zaman Azərbaycanın yanında olub. Beynəlxalq təşkilatlarda Azərbaycanın mövqeyini dəstəklədi, davamlı olaraq Azərbaycanı müasir silahlarla təmin etdi və bu silahlar 44 günlük Vətən müharibəsində də çox önəmli rol oynadı. Hesab edirəm ki, artıq İran tərəfidə bunu anlayır ki, Azərbaycan müstəqildir və istədiyi dövlətlə əlaqə qura bilər. Bu Azərbaycanın suveren hüququdur”, deputat deyib.
 
 

www.anews.az