Azərbaycan Fransının əsassız hücumları ilə qarşılaşır - İlham Əliyev

24.07.2023 16:00

Azərbaycan Fransının əsassız hücumları ilə qarşılaşır. Bunu Azərbaycanın dövlət başçısı deyib.

"Hazırda biz Fransa hökumətinin, əgər belə demək olarsa, çox əsassız hücumları ilə üzləşirik. Təsəvvür edirsinizmi, Fransa Ermənistanın ən böyük vəkilinə çevrilib. Yaxşı, bu, onların işidir, lakin onlar Avropada ən iri anti-Azərbaycan mənbəyinə çevriliblər. Onlar bizə hər istiqamətdə hücum çəkirlər. Onların xarici siyasi bəyanatları və rəsmilərin bəyanatları hər cür siyasi etikadan kənara çıxır. Müharibə zamanı bizi elə məsələlərdə ittiham etdilər ki, biz bunları heç vaxt etməmişik və bununla bağlı, üzr belə istəmədilər. İndi isə onlar bizi öz ərazimizdə gördüyümüz işlərə görə ittiham edirlər. Baxın hələ bunu kim edir? O ölkə ki, Korsika dilinə qadağa qoyur, Korsikada öz müqəddəratını təyin etmək hərəkatını qəddarcasına boğur. Onlar Qarabağda ermənilərin "öz müqəddəratını təyin etmələrini” təşviq edirlər. Bu, necə ola bilər? Müharibə zamanı siyasi təcavüz bütün sərhədləri aşanda, dedim ki, əgər onlar "Dağlıq Qarabağ respublikasını” haradasa qurmaq istəsələr, qoy öz ərazisində qursunlar. Məsələn, çoxlu erməninin yaşadığı Marsel şəhərinin ətrafında qurub, "Dağlıq Qarabağ respublikasını” orada elan etsinlər, biz də tanıyaq. Bu ölkə hələ də öz müstəmləkəçilik siyasətini davam etdirir. Baxın Mayot adasına, Fransanın müstəmləkəsi. Yeni Kaledoniya, Fransanın müstəmləkəsi. Onlar hələ də insan hüquqları haqqında danışır!? Bu, siyasi riyakarlıqdır. İndi söylədiklərimi biz deyəndə isə, siz görürsünüz ki, onlar bütün mətbuatı dərhal işə salır, Azərbaycanı, onun rəhbərlərini və siyasətini təhqir etməyə, hücum çəkməyə, şayiə yaymağa başlayırlar", - Prezident iyunun 20-də Çinin "China Media Group” media korporasiyasına müsahibəsində bildirib.

İyulun 5-də Azərbaycan prezidenti Qoşulmama Hərəkatının tədbirində bildirib ki, kolonalizm siyasəti yürüdən Fransa Azərbaycan ərazisində yaşayan etnik ermənilərin hüquqlarının müdafiəçisi kimi çıxış edə bilməz.

Əliyev həmçinin bildirib ki, 30 il evvel Ermənistan Azerbaycanın beynəlxalq səviyyədə tanınan torpaglarının 20%ini isğal edib ve 613 azərbaycanlı Xocalıda öldürülüb və etnik təmizlemə həyata keçirilib.

Prezident Fransanı kolonozasiya siyasəti yürütdüyü ölkələrdən üzr istəməyə çağırıb.

"Hollandiya kolonizasiya siyasəti yürütdüyü ölkələrdən üzr istəyib. Biz Hollandiyanın qonşusu olan Fransadan da bunu etməyi tələb edirik. Bununla Fransa həm də qətlə yetirilən əlcəzairli gəncə görə də üzrxahlıq etmiş olar”, - İlham Əliyev vurğulayıb.

Gülnar

www.anews.az

Xəbəri bəyəndiniz?

Sosial şəbəkələrdə paylaş