Laçın keçid məntəqəsi haqqında yazılanlar əsassızdır - Türkiyəli nazir

 

"Laçın Azərbaycana aiddir. Azərbaycanda hansı addımların atdığını özü daha yaxşı bilir. Ermənistan üçün də tibbi xidmətlərin keçirilməsi üçün şərait yaradılıb. Qardaş ölkə üçün səsləndirilən ittihamların əsası yoxdur", - XİN naziri azərbaycanlı həmkarı ilə Ankarada jurnalistlər üçün keçirilən brifinqdə deyib.  

 

 

İyulun 11-də Azərbaycan Dövlət Sərhəd Xidməti (DSX) Beynəlxalq Qızıl Xaç Komitəsinin (BQXK) avtomobillərində qaçaqmalçılıq faktlarının aşkarlanmasına görə Laçın sərhəd-keçid məntəqəsini müvəqqəti olaraq dayandırıb.
 
Bildirilib ki, iyulun 1-5 arasında BQXK-nın avtomobilləri tərəfindən bəyan edilməmiş mobil telefonlar,siqaret və benzin qaçaqmalçılıq yolu ilə keçirməyə cəhd olunub. 
 
Baş verən hadisə ilə bağlı Cinayət Məcəlləsinin müvafiq maddələri ilə cinayət işi açılıb və zəəruri tədbirlər görülməsi açıqlanıb və qeyd olunub ki, Laçın buraxılış məntəqəsindən keçid müvvəqəti olaraq dayandırılıb. 

 

İyulun 14-də Xankəndidəki erməni vətəndaşlar Azərbaycana qarşı aksiyaya başlayıblar. Separatçı rejimin prezidenti iyulun 17-də Xankəndində mərkəzi meydanda aksiyaya qoşulduğunu elan etsə, iyulun 26-da aksiyada iştirakıını başa vurduğunu elan edib. Bildirib ki, beynəlxalq təşkilatlar lazım olan tədbirlər görməsə daha sərt addımlar atılacaq. 
 
2023-cü ilin aprelin 23-də Azərbaycan Dövlət Sərhəd Xidməti Ermənistanla sərhəddə, Laçın-Xankəndi yolunun başlanğıcında sərhəd-keçid məntəqəsinin quraşdırılmasını elan edib.
 
İyunun 15-də Ermənistan silahlı qüvvələri Laçın dəhlizində Azərbaycan sərhəd-buraxılış məntəqəsini atəşə tutub. Nəticədə Dövlət Sərhəd Xidmətinin (DSX) hərbçisi yaralanıb. Azərbaycan Xarici İşlər Nazirliyi baş verən hadisəni pisləyib və "beynəlxalq ictimaiyyəti Ermənistan tərəfinin bu təxribatını qətiyyətlə pisləməyə və Ermənistanı bölgədə sülh və sabitliyə hədə olan təcavüzkar hərəkətlərdən çəkinməyə" çağırıb. 
 
Baş verən insidentdən sonra Laçın sərhəd-keçid məntəqəsində avtomobillərin keçidi müvəqqəti olaraq dayandırılmışdı.

 

Gülnar