Putinlə Ərdoğanın Türkiyədə görüşü gözlənilir

Rusiya və Türkiyə prezidentləri Vladimir Putin və Tayyib Ərdoğan telefonla danışıb və Rusiya liderinin Türkiyəyə səfəri ilə bağlı razılıq əldə ediblər. Bu barədə Ərdoğanın ofisi məlumat yayıb.

Türkiyə prezidenti Putinə bildirib ki, Türkiyə tərəfi taxıl sazişinin bərpası üçün intensiv səylərini davam etdirəcək.

Bundan əvvəl Rusiya prezidentinin mətbuat katibi Dmitri Peskov Putinin Ərdoğanla telefonla danışdığını bildirib. 

Rusiya-Afrika sammitinin yekunlarına dair mətbuat konfransı zamanı Rusiya prezidenti türkiyəli həmkarı ilə ya Rusiyada, ya da Türkiyədə görüşməyi razılaşdırdığını bildirib. Rusiya liderinin sözlərinə görə, Ərdoğan onu bu ölkədəki seçkilərdən əvvəl Türkiyəyə səfərə dəvət edib, lakin Putinin səfəri ilə bağlı spekulyasiya olmasın deyə bundan imtina edilib.

Aytac 

www.anews.az