Separatçılar Ağdam-Əsgəran yolunu açdılar

"Rusiya hökuməti Dağlıq Qarabağdakı humanitar böhranı nəzərə alaraq Qarabağa humanitar yardım göstərilməsi təşəbbüsü ilə çıxış edib. Rusiya istehsalı olan zəruri malların da daxil olduğu yardım Rusiya Qırmızı Xaç Cəmiyyəti vasitəsi ilə öz maşınlarında Xankəndinə göndərilib. "Dağlıq Qarabağ Respublikası"nın hakimiyyət orqanları Azərbaycanın tam blokadası nəticəsində yaranmış kəskin humanitar problemlərin yumşaldılması zərurətindən çıxış edərək Rusiya mallarının Əsgəran şəhəri vasitəsilə Xankəndinə daxil olmasına icazə vermək qərarına gəlib. Eyni zamanda, Laçın dəhlizi boyunca Rusiya sülhməramlıları və Beynəlxalq Qızıl Xaç Komitəsinin humanitar yüklərinin bərpası barədə razılıq əldə olunub”, - qondarma  Dağlıq Qarabağın rəsmi İnformasiya Mərkəzinin bəyanatında deyilir.