Ermənistanla Azərbaycan arasında müharibə gözləmirik - İranın müdafiə naziri

Regionda müharibə olmayacaq və İslam Respublikasının geopolitik suallar üzrə mövqeyi aydındır. Biz regionda heç bir geosiyasi dəyişikliyi qəbul etməyəcəyik və bunu hamı bilir. Hadisələrin hazırkı gedişatı göstərir ki, xüsusi bir şey olmayacaq”, - iranlı nazir vurğulayıb. 

 

Sentyabrın 11-də İran Xarici İşlər Nazirliyinin sözçüsü Nasir Kənani mətbuat konfransında bildirib ki, Tehran Qafqazdakı vəziyyəti diqqətlə izləyir və sülh və təhlükəsizliyin təmin edilməsi üçün Ermənistan və Azərbaycanla əlaqə saxlayır. 

 

Bundan əvvəl Ermənistanın baş naziri Nikol Paşinyan mətbuata açıqlamasında bildirib ki, Azərbaycan sərhəddə qoşun yığır. Rəsmi Bakı Paşinyanın bu fikirlərini rədd edərək bildirib ki, əksinə Ermənistan tərəfi sərhəddə səngərlər qazmağa və qoşun yığmağa cəhdlər edir.  

Azərbaycanla Ermənistan arasında hərbi əməliyyatlar 2020-ci ilin noyabrında üçtərəfli bəyanatın imzalanmasından sonra dayandırılıb. Bəyanatdan sonra Rusiya sülhməramlıları 5 il müddətində Qarabağa müvəqqəti sülhməramlı kimi yerləşdirilib. Bu dövrdən sonra Azərbaycan və Ermənistan dövlət başçıları, o cümlədən hər iki ölkənin xarici işlər nazirləri  bir çox rəsmi görüşlər keçirib. Hazırda sülh müqaviləsi üzərində danışıq prosesləri getsə də tərəflər bir birini təxribatlar törətməkdə günahlandırır və bu, ekspertlərin fikrincə,  sülh müqaviləsinin imzalanmasına əngəl yaradır. 

 

Gülnar Nazimqızı