Yevlax görüşündə nələr baş verib? - İlkin məlumatlar açıqlanıb

 

İcma nümayəndələri bildirib ki, hələlik yekun razılaşma yoxdur və detallar razılaşdırılmalıdır. 

 

Rusiyanın Ria Novosti saytı da görüşdə iştirak edən deputat Ramin Məmmədova istinadan yazıb ki, Qarabağ erməniləri ilə bir görüşdə bütün probleminin həllini gözləmək çətindir.

 

Rəsmi Bakı nümayəndəsi vurğulayıb ki, Qarabağ erməni ilə danışıqlar iki ölkə arasında sülhün imzalanmasına səbəb ola bilər.

 

Bu gün Azərbaycan hakimiyyətinin nümayəndələri ilə Qarabağın ermənilərinin nümayəndəsi ilə Yevlaxda keçirilən görüşü başa çatıb. Rəsmi Bakı görüşün detallarını hələlik açıqlamayıb. 

 

Görüşdə Azərbaycan Prezidentinin işğaldan azad edilmiş ərazilər üzrə xüsusi nümayəndəsinin müavini Ramin Məmmədov təmsil edib. Qarabağ ermənilərini isə Sergey Martirosyan və David Melkumyan təmsil ediblər. Görüşdə Rusiya sülhməramlı kontingentinin nümayəndəsi də iştirak edib. 

Gülnar Nazimqızı