Ceyhun Bayramov BMT TŞ-nin Qarabağdakı vəziyyətlə bağlı iclasında iştirak edir - Yenilənib - Canlı

BMT Təhlükəsizlik Şurasında Qarabağa həsr olunmuş iclas yekunlaşıb. Bu barədə Report yazıb. 

İclasda bir neçə ölkə, xüsusən də Fransa, Almaniya, Malta və Afrikanın bir neçə ölkəsi əsassız ittihamlar səsləndiriblər.

Birləşmiş Ərəb Əmirlikləri, Çin və Rusiya neytral mövqedən çıxış etsə də, Türkiyə hər zaman olduğu kimi, Azərbaycanın haqlı mövqeyini dəstəkləyib.

Daha sonra Ermənistan xarici işlər naziri Ararat Mirzoyan və Azərbaycanın xarici işlər naziri Ceyhun Bayramov çıxış edib. Azərbaycanlı nazir rəsmi Bakının həyata keçirdiyi antiterror tədbirlərinin əsl mahiyyətini açıqlayıb.

İclas heç bir sənəd qəbul olunmadan başa çatıb.
 

 

23:12

BMT Təhlükəsizlik Şurasında Qarabağla bağlı müzakirələr başlayıb.

Müzakirələrdə Azərbaycanın xarici işlər naziri Ceyhun Bayramov iştirak edir.

19:32

Azərbaycan xarici işlər naziri Ceyhun Bayramov bu gün BMT Təhlükəsizlik Şurasında Qarabağdakı vəziyyətlə bağlı keçiriləcək müzakirələrə qatılacaq.

"Report"un ABŞ bürosu xəbər verir ki, görüş Bakı vaxtı ilə saat 23:00-da başlayacaq.

Ermənistanın BMT-dəki daimi nümayəndəliyinin müraciəti ilə baş tutacaq iclasda Azərbaycanın xarici işlər naziri Ceyhun Bayramov və Ermənistan xarici işlər naziri Ararat Mirzoyan çıxış edəcək.