Paşinyan oktyabrın 5-nə kimi istefa verməlidir - Ermənistan müxalifəti

Ermənistan müxalifəti ölkənin baş naziri Nikol Paşinyanın oktyabrın 5-nə kimi istefa verməli olduğunu açıqlayıb. Bu barədə Ermənistan mətbuatı yazıb.

Etiraz hərəkatının liderlərindən biri Andranik Tevanyanın sözlərinə görə , bütün qüvvələr birləşməlidir ki, oktyabrın 5-də Paşinyanın Əliyevlə görüşündən əvvəl  Nikol istefaya göndərilsin.

"Heç kim bilmir ki, o, Ermənistan üçün ölümcül olan hansı sənədləri yenidən imzalamağa hazırdır. Biz buna imkan verməməliyik”, - Tevanyan bildirib.

Bundan əvvəl Ermənistan Təhlükəsizlik Şurası  oktyabrın 5-də İspaniyanın Qranada şəhərində  Azərbaycan prezidenti İlham Əliyevlə Ermənistanın baş naziri Nikol Paşinyan arasında görüş  keçirilməli olduğunu bəyan edib .

Sentyabrın 24-də Azərbaycan Ermənistan Silahlı Qüvvələrinin Qarabağdan silahı yerə qoymuş şəxsi heyətinin çıxarılmasına zəmanət verdiyini bəyan edib.

Sentyabrın 19-da Azərbaycan Müdafiə Nazirliyi  Qarabağda yerli antiterror əməliyyatının başlandığını, məqsədi Azərbaycanın konstitusiya quruluşunun bərpası olduğunu elan edib.


www.anews.az