Ombusdman Qarabağ ermənilərinə müraciət edib

 

"Qarabağda yaşayan erməniəsilli vətəndaşlarımızın milli qanunvericilikdə və beynəlxalq sənədlərdə təsbit edilmiş hüquq və azadlıqlarının təmini və müdafiəsi daim diqqət mərkəzindədir. Bildirmək istərdik ki, hər bir vətəndaşımız kimi, Qarabağda yaşayan erməniəsilli vətəndaşlarımız da hüquq və azadlıqlarının təmini məsələsi ilə bağlı hər hansı problemlə üzləşərlərsə, 24/7 rejimində fəaliyyət göstərən "916” Çağrı Mərkəzi, təsisatın telefon nömrəsi, eləcə də sosial şəbəkə hesabları vasitəsilə və elektron qaydada Ombudsmana müraciət edə bilərlər", - açıqlamada bildirilib. 

 

Qeyd olunub ki, Qarabağda yaşayan erməniəsilli vətəndaşlarımızın milli qanunvericilikdə və beynəlxalq sənədlərdə təsbit edilmiş hüquq və azadlıqlarının təmini və müdafiəsi daim diqqət mərkəzində olacaq. 

 

Sentyabrın 21-də Yevlaxda Qarabağ erməni nümayəndələri arasında görüş keçirilib. Görüşdə renteqrasiya məsələləri müzakirə edilib. 

 

Azərbaycan tərəfi artıq renteqrasiya ilə bağlı rəsmi sayt yaradıb. Qarabağda yaşayan ermənilər sayt üzərindən qeydiyyatdan keçməklə müraciət edə bilərlər. 

 

Ermənistan mətbuatının məlumatlarına görə Qarabağı tərk edən ermənilərin sayı 50 mini keçib. Bu rəqəmlər Azərbaycan tərəfindən təsdiqini tapmayıb. 

 

 

Sentyabrın 23-də Daxili İşlər Nazirliyinin mətbuat xidmətinin rəisi, polis polkovnik-leytenantı Elşad Hacıyev jurnalistlərə açıqlamasında Qarabağda yaşayan erməniəsilli sakinlərin Azərbaycan Respublikasının Konstitusiyasına uyğun olaraq vətəndaşlıq məsələlərinə baxılması, onların pasportlaşdırılması, şəxsiyyət vəsiqələri ilə təmin edilməsi işinin diqqətdə saxlandığını deyib.


Sentyabrın 19-da  Bakı lokal antiterror tədbirlərinə başladığını elan edib və erməni hərbçilərinin bölgədən çıxarılmasını tələb edib. İrəvan Qarabağda erməni silahlı qüvvələrinin olmadığını bəyan edib və baş verənləri "genişmiqyaslı təcavüz” adlandırıb. Sentyabrın 20-də hərbi əməliyyatların dayandırılması barədə razılıq əldə olundu və ertəsi gün Azərbaycanın Yevlaxda Bakı və Qarabağın erməni əhalisinin nümayəndələrinin "reinteqrasiya məsələlərini müzakirə etmək üçün” görüşü keçirilib.

 

Gülnar Nazimqızı