Ərdoğan - BMT vəzifəsini yerinə yetirə bilmir

Birləşmiş Millətlər Təşkilatı üzərinə düşən vəzifələri yerinə yetirmir.Bunu Türkiyə prezidenti
Rəcəb Tayyib Ərdoğan deyib.


"Tamamilə səmərəsizləşən BMT Təhlükəsizlik Şurası növbəti dəfə öz üzərinə düşən məsuliyyəti yerinə yetirə bilmədi. Sülhü təmin etmək səylərimiz bölgəyə təyyarədaşıyan gəmilərin göndərilməsi, Fələstin xalqına yardımın dayandırılması və onların kütləvi şəkildə cəzalandırılması kimi addımlarla boşa çıxdı" - Tacc agentliyi prezidentə istinadan yazıb.

Ərdoğan həmçinin qeyd edib ki, "Türkiyə Misir rəsmiləri ilə əməkdaşlıq edərək bölgəyə humanitar yardımla birlikdə 3 təyyarə çatdırıb”.



Ərdoğan Qəzza şəhərində Əl-Əhli xəstəxanasına endirilən zərbəni "iyrənc hücum", "insanlığa qarşı cinayət" və "Qəzzə xalqına qarşı soyqırıma bərabər" bir hərəkət adlandırıb.

Oktyabrın 7-də HƏMAS İsrailə bir neçə min raket atıb və Əl-Əqsa Daşqını əməliyyatının başladığını elan edib.
 
Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.

İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı "Dəmir qılınclar” adlandırıb.
 
Baş verən hadisələr  fonunda hər iki ölkədən ölənlərinin sayının 2500-dən çox olduğu deyilir.
 

www.anews.az