Kanada XİN naziri - Azərbaycana qarşı mümkün saksiyalar müzakirə olunur

"Azərbaycana qarşı mümkün sanksiyalar məsələsi indi müzakirə olunur. Kanada Ermənistanın Cənubi Qafqazda "sülh və sabitliyin möhkəmləndirilməsi" üzrə səylərini yüksək qiymətləndirir. Hamımız razılaşırıq ki, daha çox iş görülməlidir. Kanada Azərbaycanı Ermənistanın ərazi bütövlüyünə "hörmət etməyə çağırır." Kanada Azərbaycanı "humanitar yardımların" Qarabağa keçirilməsi üçün "şəriat yaratmağa" səsləyir. Hesab edirik ki, Ermənistana qayıdan Qarabağdan olan ermənilərin hüquqları "müdafiə olunmalıdır"", - nazir Ermənistan Ararat Mirzoyanla birgə bəyanatında çıxışı zamanı bildirib. 

 

O bildirib ki, Kanada Qarabağdan gedən erməni vətəndaşlar üçün 3,9 milyon dollar "yardım" ayırıb. 

 

Azərbaycanın keçmiş xarici işlər naziri Tofiq Zülfüqarov hesab edir ki, Kanadanın Azərbaycana qarşı bu münasibəti Fransa ilə sıx yaxın olmaqları ilə bağlıdır. 

 

"İlk növbədə hesab edirəm ki, bu səbəb Fransa ilə bağlıdır. Çünki, Kanadanın Fransa ilə mürəkkəb münasibətləri var. Kanadanın böyük bir hissəsi Fransız dilində danışır. Ənənəvi əlaqələr mövcudur.  Fransa ənənəvi əlaqədən istifadə edərkən bir çox hallarda orda yaşayan Fransız dilli əhalisinin imkanlarından yararlanandan istifadə edir.", - keçmiş xin naziri bildirib. 

 

Zülfüqarov vurğulayıb ki, uzaq ölkələrin rəsmilərinin ehtiyac olmadığı halda bu cür çıxışları əhəmiyyətsizdir. 

"Artıq bir çox ölkələrin ənənəsi olub ki, onlar lazım olub-olmayan hallarda onlardan uzaq olan ölkələr haqqında zənn edirlər ki, orjinal fikirlər səsləndirirlər. Bunun məqsədi xarici-siyasi məqsəd deyil, əsas daxili-siyasi məqsəddir. Bu və digər qurum hakimiyyətə gələndən sonra onların seçkiləri arasında popilyarlıq qazanmaq üçün bu cür addımlar atırlar. Hesab edirəm ki, Azərbaycan həmişəki kimi prinsipial mövqeyini ortaya çıxarda bilər", - siyasi şərhçi əlavə edib. 

 

Bundan əvvəl Kanada müxalifəti və Avropa İttifaqının 60 deputatı Qarabağda baş verən son proseslərə görə Azərbaycanı ittiham edərək ölkəyə qarşı sanksiyaların qoyulmasını təklif edib. 
 
Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov sentyabrın 20-də XİN-də keçirilən brifində deyib ki, Azərbaycan əlehinə çağırışlar edən beynəlxalq təşkilatlar qıcıqlandırıcı fikirlərdən yayınmalıdır. 

Sentyabrın 28-də Qarabağda qondarma rejimin "prezidenti" Samvel Şahramanyan 2024-cü il yanvarın 1-dən separatçı rejimin ləğv olunması ilə bağlı qərar qəbul edib. Əhaliyə Bakının təklif etdiyi reinteqrasiya şərtlərini nəzərdən keçirmək və qalma imkanları ilə bağlı öz qərarını vermək tapşırılıb. 
 
Gülnar Nazimqızı 

Aygün Mirakif