AXCP-nin qərargahı boşaldıldı - FOTO
04.03.2014 12:10
Martın 4-də səhər saat 9-da Nərimanov Rayon İcra Hakimiyyəti başçısının müavini Şahmar İbadov AXCP-nin qərargahına gələrək binanı boşaltmağı tələb edib. AXCP Ali Məclisinin sədri Həsən Kərimovla görüşən İbadov binanın qəza vəziyyətində olduğunu söyləyib. Kərimov isə binanın sahibi ilə təhvil-təslim həyata keçirilməli olduğunu söyləyib.“Azadliq.info”nun məlumatına görə, əvvəlcə AXCP-yə binanı bu gün saat 16-ya qədər boşaltmağa icazə verilsə də, sonradan qərar dəyişdirilib. Əraziyə gələn Nərimanov Rayon Polis İdarəsinin əməkdaşları qərargahın dərhal boşaldılmasın istəyib. Fövqəladə Hallar Nazirliyinin əməkdaşları qərargahı möhürləyərək ətrafı lentə alıb. Onları binanın söküləcəyini bildiriblər. Binaya su və elektrik enerjisi verilməsi dayandırılıb.
Martın 3-nə keçən gecə qərargahın zirzəmisində partlayış baş verib, bina zədələnib. AXCP binanın qəsdən partladıldığını iddia edir.
ANN.Az
Telegram
Bizi Teleqramda izləyin
Oxşar xəbərlər
Oxşar xəbərlər
Siyasət 19:41
Ərdoğan Əliyevi Ankarada keçiriləcək Türk Dövlətləri Təşkilatının zirvə görüşünə dəvət edib
Foto
Video
