Reinteqrasiya prosesi Qərbi Azərbaycanlılar üçün də yaradılmalıdır - Kamal Cəfərov

 

"Azərbaycana qarşı qərəzli olan beynəlxalq təşkilatlar yeni qərəzli mövqeyini göstərir. Qarabağda yaşayan erməniəsilli şəxslər üçün Azərbaycan reinteqrasiya adlı sayt yaradıb. Qalmaq istəyənlər ora müraciət edə bilər. Həmçinin getmək istəyənlər də könüllü gedir. Hazırda bu yanaşmada etnik təmizləməyə məruz qalan bizik. Qərbi Azərbaycana qayıdanlar üçün də reinteqrasiya prosesi aktiv olmalıdır. Dəfələrlə çağırış etməyimizə baxmayaraq bizim qayıdış hüququmuz pozulur", - deputat dekabrın 6-da Milli Məclisdə "Keçmişdən gələcəyə çağırış: Qərbi Azərbaycana qayıdış fəlsəfəsinə gənclərin baxışı” mövzusunda ictimai dinləmə çıxışında deyib. 

 

Prezident İlham Əliyevin ADA Universitetində keçirilən "Qarabağ: 30 ildən sonra evə dönüş. Nailiyyətlər və çətinliklər” mövzusuna həsr olunmuş Beynəlxalq Forumda çıxışı zamanı bildirib ki, Qarabağı tərk edən ermənilərin sayının 100 mini keçməsi Azərbaycana qarşı qəbuledilməz ittihamdır. 

 

Azərbaycan sentyabrın 19-da Qarabağda lokal antinterror əməliyyatından sonra orada yaşayan ermənilər könüllü olaraq Ermənistana qayıdıb. Ermənistan mətbuatı bu rəqəmin 100 minə yaxın olduğunu açıqlayıb. 

 

Rəsmi Bakı Qarabağda yaşayan ermənilər üçün reinteqrasiya üçün rəsmi sayt yaradıb. Orada qalmaq istəyənlər rəsmi sayta müraciət etmək hüququna malikdirlər. 

 

Sentyabrın 28-də Qarabağın qondarma "rəhbəri" Samvel Şahramanyan 2024-cü il yanvarın 1-dək separatçı rejimin ləğv olunmasını elan edib. Bildirib ki, Qarabağda qalmaq istəyən vətəndaşlar Azərbaycanın təklif etdiyi reinteqrasiya ilə bağlı təqdim olunan sənədlə tanış ola bilərlər. 

 
Gülnar Nazimqızı