Hacıyev Ermənistanla müharibənin bitməsini bir daha bəyan edib

 

"Azərbaycanın Ermənistan ərazisinə iddiası ilə bağlı bəzi lazımsız söz-söhbətlər dolaşır. Belə bir şey yoxdur. Bizim üçün müharibə bitib. Biz sülhə, dövlətimizin inkişafına diqqət yetiririk", - Hacıyev  Antalya Diplomatik Forumunda Cənubi Qafqazla bağlı müzakirə zamanı bildirib.

 

Hacıyev vurğulayıb ki, son 5 ayda sərhəddə baş verən bir insidenti çıxmaqla vəziyyət çox sakit olub. 

 

Bundan əvvəl Azərbaycan Prezidenti İlham Əliyev bildirib ki, Bakı ilə İrəvan arasında artıq bir necə aydır de-fakto sülh yaranıb. Həmçinin xarici işlər naziri Ceyhun Bayramov bildirib ki, Ermənistanla 2024-cü il sülh müqaviləsi imzalana bilər. 
 
Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib ki, son 5 ayı Ermənistanla Azərbaycan arasındakı münasibətləri ən sakit dövr hesab etmək olar. 
 
Azərbaycanla Ermənistan arasında hərbi əməliyyatlar 2020-ci ilin noyabrında üçətərfli bəyanata əsasən dayandırılıb. Azərbaycan 2023-cü ilin sentyabrında Qarabağda lokal antirerror əməliyyatları keçirib. Bundan sonra Qarabağda olan bütün ərazilərə nəzarətin bərpası Azərbaycan tərəfinə keçib. 
 
Gülnar Nazimqızı