Paşinyan Qazaxın 4 kəndini geri qaytarmağa hazırlaşır

Ötən həftə keçirdiyi mətbuat konfransında Paşinyan Azərbaycanla həmsərhəd Tavuş vilayətinin kəndlərinə səfər edəcəyini açıqlayıb. O, Qazax rayonunun 90-cı illərin əvvəllərində işğal olunan 4 kəndinin tezliklə Azərbaycana qayıtmasının mümkünlüyünü istisna etməyib və bu kəndlərin yaxınlığından keçən kommunikasiyaların yerlərinin dəyişdirilməsini müzakirə etmək üçün Tavuşa gedəcəyini bildirib.

Azərbaycan baş nazirinin müavini Şahin Mustafayevin aparatının yaydığı rəsmi məlumatda bildirilirdi ki, Qazax rayonunun anklav olmayan 4 kəndi dərhal geri qaytarılmalıdır. Bu bəyanat Azərbaycan və Ermənistan baş nazirlərinin müavinlərinin rəhbərlik etdiyi sərhəd məsələləri üzrə komissiyaların son iclasından sonra verilib. Bu bəyanat Ermənistanda hiddət dalğasına səbəb olsa da, Nikol Paşinyan ictimaiyyətə bildirib ki, kəndlər de-yure Ermənistana aid olmadığı üçün onların geri qaytarılması qaçılmazdır.

Erməni jurnalist Voskan Sarkisyan Facebook səhifəsində Paşinyanın Əskiparaya səfərinin təfərrüatlarını yazıb. Sarkisyanın sözlərinə görə, baş nazir sakinlərə bildirib ki, 4 kənd qaytarılmalıdır, əks halda yeni müharibə başlayacaq.

Baş nazir Nikol Paşinyan bu gün, martın 18-də Voskepar Mədəniyyət Evində Voskepar, Bağanis və Voskevan kəndlərinin sakinləri ilə görüşüb. Görüşdə baş nazirin müavini Mher Qriqoryan, Tavuş qubernatoru Hayk Qalumyan, Noyemberyan icmasının rəhbəri Arsen Ağababyan, həmçinin Voskevan, Voskepar və Bağanis icmalarının rəhbərləri də iştirak ediblər.

Əgər əvvəllər Nikol Paşinyan Voskeparda isti qarşılanırdısa, bu dəfə onu çox soyuq qarşılayıblar.  Paşinyan zala daxil olanda zaldakılar ayaöa qalxmayıb. 

 

"İclas iştirakçılarının bildirdiyinə görə, onlar Nikol Paşinyanın Ermənistan Respublikasının xəritəsinin kiçik maketini yenidən nümayiş etdirməsindən hiddətləniblər. Paşinyan kənd sakinlərinə deyib ki, dörd kənd Azərbaycana verilməlidir, əks halda müharibə başlayacaq”, – jurnalist yazbr.

Sarkisyanın sözlərinə görə, Paşinyan deyib ki, bu dörd kəndlə bağlı 3 variant var -  onları təslim etmək, təslim olmamaq, ya da Azərbaycanla müharibə etmək. Sonuncu halda Türkiyə Azərbaycanın tərəfində savaşa girəcək.

Voskepar sakinləri 4 kəndin Azərbaycana verilməsindən sonra Ermənistanla Gürcüstan, İcevan və Noyemberyan arasında nəqliyyatın hərəkətinin pozulmasından narahat olduqlarını, Paşinyan isə dağlardan keçən Yenokavan-Cucevan yolunun çəkiləcəyini bildirib.

"Daha sonra Voskepar sakini Robert Melikyan bildirib ki, keçən həftə kənddə müdafiə naziri Suren Papikyanla görüşüb və sonuncu ona deyib ki, 4 kəndin ərazisini təslim etməyəcəklər, "halbuki Azərbaycanın 700 hektardan çox ərazisi və digər torpaqları var. Berkaber kəndi.” . Nikol Paşinyan buna cavab olaraq dedi ki, qoy Suren Papikyan öz işi ilə məşğul olsun”, - jurnalist qeyd edib.