Əliyev Rəisi ilə görüşdə qəbul olan qərarları yeni rəhbərliyə çatdırılacağına ümid edir

İran prezidenti İbrahim Rəisi ilə görüşdə qəbul edilən qərarlar İranın yeni rəhbərliyinə çatdırılacaq. Bu fikirləri Prezident İlham Əliyev mayın 21-də İran İslam Respublikasının ölkədəki səfirliyində olarkən səsləndirib.

"İran-Azərbaycan əlaqələrinin inkişafının gələcək istiqamətləri bir daha təsdiqlənmişdir və hər iki tərəfin güclü siyasi iradəsi bir daha nümayiş etdirilmişdir. Bununla bərabər, biz konkret infrastruktur layihələri haqqında geniş fikir mübadiləsi aparmışdıq, önəmli qərarlar qəbul edilmişdir. O görüşdə iştirak edən şəxslər bunu, əminəm ki, İranın yeni rəhbərliyinə çatdıracaqlar. Əldə edilmiş bütün razılaşmalar, əminəm ki, icra ediləcək. Çünki bu, İran və Azərbaycan xalqlarının iradəsinə söykənir və biz mərhum Prezident Rəisi ilə söhbət əsnasında qəti iradəmizi bildirdik ki, bundan sonra böyük layihələrin sayı çox olacaq, həm ikitərəfli, həm çoxtərəfli formatda", - Prezident əlavə edib.

www.anews.az