Azərbaycanın İrandan gözləntiləri

08.07.2024 13:45

Azərbaycan İranın yeni prezidenti Məsud Pezeşkian vəzifəyə başladıqdan sonra ölkələr arasında münasibətərin daha da inkişaf edəcəyini gözləyir, - bunu Azərbaycanın xarici işlər naziri Ceyhun Bayramov jurnalistlərə bildirib.

"İranda yeni prezident seçilib və Azərbaycan prezidenti bu münasibətlə təbriklərini çatdırıb. Biz Azərbaycan və İran arasında əvvəllər razılaşdırılmış layihələrin həyata keçirilməsində maraqlıyıq”, - nazir qeyd edib.

O həmçinin söyləyib ki, Azərbaycan bundan sonra da İranla birgə layihələr icra etməyə maraqlıdır. Bunu xarici işlər naziri Ceyhun Bayramov deyib.

"İranla hər zaman tarixi münasibətlərimiz olub. Qonşu ölkə ilə bundan sonra da birgə layihələr icra etməkdə maraqlıyıq. Ümid edirik ki, bu münasibətlər və əlaqələr daha da genişlənəcək", - Bayramov iyulun 8-də jurnalistlərə açıqlamasında bildirib.

Məsud Pezeşkian iyunun 6-da İranda yeni prezident seçilib. Azərbaycan Prezidenti İlham Əliyev də həmkarını bu münasibətlə təbrik edib və ona uğurlar arzu edib.

Mayın 19-da İran Prezidentini daşıyan helikopter qəzaya uğrayıb. Hadisə nəticəsində İran Prezidenti və xarici işlər naziri olmaqla 9 nəfər vəfat edib. Bundan sonra İranda yeni preizdentin seçilməsi ilə bağlı qərar qəbul olunub.

Baş verən hadisə ilə bağlı İrana Azərbaycan rəhbərliyi daxil olmaqla bir çox ölkələr başsağlığı verib.

Mayın sonunda Azərbaycan xarici işlər naziri Ceyhun Bayramov bildirib ki, Azərbaycan İrandakı Səfirliyinin işinin bərpa olunması üçün tədbirlər görür.

Apreldə İranın xarici İşlər nazirinin sözçüsü Nasir Kənani deyib ki, Azərbaycanın Tehrandakı səfirliyinin yenidən açılması üçün yaxşı hazırlıq görülüb və xarici işlər nazirləri səviyyəsində danışıqlar aparılıb.

Tehrandakı Azərbaycan səfirliyindən terror aktı törədən şəxslə bağlı edam hökmü verilsə də, onun edam olunması ilə bağlı hər hansı fakt göstərilməyib.

Oktaybrın 2-də Azərbaycan televiziyası açıqlama yayaraq bildirib ki, Azərbaycanın Tehrandakı səfirliyinə silahlı basqın edən Yasin Hüseynzadə barəsində İranın Ali Məhkəməsi tərəfindən edam hökmü çıxarılıb.

Tehrandakı terror hadisəsindən sonra Tehranın polis rəisi vəzifəsindən uzaqlaşdırılıb.

Avqustun 8-də İranın baş prokurorunun müavini Mehdi Əmiri İsfahani Azərbaycanda baş prokorur Kamran Əliyevlə görüşündə məlumat verərəkən bildirib ki, Tehranda Azərbaycan səfirliyində baş vermiş terror aktının istintaqı qısa zamanda tamamlanacaq və təqsirli şəxslər layiqli cəzasını alacaq.

İyulun 5-də İranın xarici işlər naziri Hüseyn Əmir Abdullahiyan da açıqlama verərək bildirib ki, Tehranda Azərbaycan səfirliyində törədilən cinayətin

səbəbkarına ağır və şiddətli cəza veriləcək.

Bakı ilə Tehran arasında münasibətlər bu ilin yanvarında Azərbaycanın İrandakı səfirliyinə silahlı basqın nəticəsində diplomatik missiyanın mühafizə rəisinin həlak olması və onun iki həmkarının yaralanmasından sonra xüsusilə gərginləşib. Hadisədən sonra Azərbaycan səfirliyi diplomatik fəaliyyətini dayandırıb, əməkdaşları və onların ailə üzvləri Azərbaycana təxliyə edilib. Rəsmi Bakı Tehranın son vaxtlar Azərbaycanla sərhəddə təşkil etdiyi irimiqyaslı hərbi təlimləri də qeyri-dost addım kimi qiymətləndirir. Bundan əlavə, Bakı martın sonunda Azərbaycan parlamentinin deputatı Fazil Mustafanın həyatına sui-qəsddə İranın əli olduğunu açıqlayıb.

Aprelin 6-da İranın Bakıdakı səfirliyinin 4 əməkdaşı persona non-qrata elan edilərək 48 saat ərzində Azərbaycanı tərk etmələri barədə göstəriş verilib.

Gülnar Nazimqızı

www.anews.az

Xəbəri bəyəndiniz?

Sosial şəbəkələrdə paylaş