Atalarından sonra deputat olmaq istəyənlər - SİYAHI

 

Belə ki, sabiq deputat Tahir Süleymanovun oğlu Mahir Süleymanlı namizədliyini 56 saylı Şabran-Xaçmaz seçki dairəsindən, Əhməd Vəliyevin oğlu isə 20 saylı Nərimanov ikinci seçki dairəsindən verib. 

 

Namizədliyini irəli sürən hər iki şəxsin adı Yeni Azərbaycan Partiyasının təqdim etdiyi namizədlər sırasında qeyd olunub. 

 

Hazırda deputat olan Fəzail Ağamalının qızı olan Günay Ağamalı isə  65 saylı Salyan-Biləsuvar-Neftçala seçki dairəsindən namizəd olduğunu açıqlayıb. 

 

Deputat Fəzail Ağamalı lent.az saytında bu il seçkilərdə səhhətində yaranan problemlə görə iştirak etməyəcəyini söyləyib və bildirib ki, həmin dairədən onun qızı namizəd olacaq. 

 

Fəzail Ağamalı ANa Vətən partiyasının sədridir. Partiya Mərkəzi Seçki Komissiyası tərəfindən seçkilərdə iştirak üçün təsdiq cavabı alıb. 

 

Mərkəzi Seçki Komissiyasının son açıqlamasında 20-dən çox siyasi partiya seçkidə iştirak hüququ əldə edib. 

 

Bundan başqa deputat Sabir Rüstəmxanlı da bu iş parlament seçkilərində iştirak etməyəcəyini açıqlayıb, onun deputat olduğu ərazidən həyat yoldaşı Tənzilə Rüstəmxanlı namizədliyini verəcək. 

 

Bir neçə gün öncə Ağ Partiyanın sədri Tural Abbaslı da açıqlayıb ki, növbədənkənar parlament seçkilərində özü ilə bərabər həyat yoldaşı və qaynatası da iştirak edəcək. Partiya sədri bu iştirakı ailələrinin siyasətçi olması ilə əlaqələndirib. 

 

Azərbaycan parlamentinə növbədənkənar seçkilər 2024-cü il sentyabrın 1-də keçiriləcək. Azərbaycan Respublikasının Konstitusiyasına görə, bu seçkilər  cari ilin noyabrının birinci həftəsində baş tutmalı idi. Amma ölkənin COP-29-a ev sahibliyi etməsi səbəbindən seçkilərin tarixi dəyişdirilib.