Ermənistan Azərbaycanın tələbi ilə konstitusiyaya dəyişiklik etməyəcək - Gevorq Papoyan

"Ermənistan Respublikası öz konstitusiyasını Ermənistan vətəndaşlarının qərarı ilə dəyişdirə bilər,  biz heç bir ölkənin tələbi ilə öz konstitusiyamızı dəyişdirməyəcəyik, dəyişdirmək və ya dəyişməmək Ermənistan Respublikasının daxili işləridir”,- o bildirib. 

Papoyan onu da əlavə edib ki, Ermənistan Azərbaycanla qarşılıqlı prinsip əsasında nəqliyyat kommunikasiyalarını açmağa hazırdır.

Azərbaycan Prezidenti İlham Əliyev bu yaxınlarda keçirdiyi brifinqdə Ermənistanla sülh müqaviləsinin 80%-nin hazır olduğunu bildirib. 
 
Prezidentin sözlərinə görə, sülh müaviləsinin bağlanmasında əsas maneə Ermənistan konstitusiyasında Dağlıq Qarabağın Ermənistanın bir hissəsi olması barədə müddəadır.
 
Rəsmi Bakı Ermənistan hakimiyyətindən referendum keçirməyi və bu maddəni çıxarmağı kəsinliklə tələb edir.
 
Ermənistan rəhbərliyi buna hazır olduğunu ifadə etsə də referendimi 2026-ci ilin parlament seçkilərindən sonraya təxirə salıb. 
 
Bu tarixə qədər tərəflər arasında gələcək sülh müqaviləsinin "baza prinsipləri"ni  təşkil edəcək aralıq müqavilənin bağlanması gözlənilir.
 

www.anews.az