Mirzoyan COP29-a dəvət olunub

Ermənistanın xarici işlər naziri Ararat Mirzoyan Bakıda keçiriləcək BMT-nin iqlim konfransında (COP29) iştirak üçün dəvət alıb.

"Report” xəbər verir ki, bunu Ermənistan Xarici İşlər Nazirliyi rəhbərinin müavini Paruyr Ovannisyan deyib.

"Bu məsələ həm sülhün bərqərar olması, humanitar məsələlərin həlli, həm də tədbirin gündəliyi ilə bağlı bir neçə aspektdə müzakirə olunur. Bilirsiniz ki, bu, iqlim dəyişikliyinə həsr olunmuş ən mötəbər beynəlxalq tədbirdir. Bütün şərtləri nəzərə alaraq, yaxın vaxtlarda Ermənistanın tədbirdə hansı səviyyədə təmsil olunacağına qərar verəcəyik”, - o qeyd edib.