Ermənistan 2022-ci il oktyabrın 6-da Praqada əldə edilmiş, Ermənistan və Azərbaycanın Alma-Atı bəyannaməsinə əsasən bir-birinin ərazi bütövlüyünü və suverenliyini tanıması haqqında strateji razılaşmaya sadiqdir. Bu barədə Ermənistanın baş naziri Nikol Paşinyan ölkənin rəsmi KİV-lərində dərc edilmiş məqaləsində yazıb.

Ermənistan qarşısına hazırda "Azərbaycanın işğalı altında olan" 200 kv. km-dən çox ərazilərinin hərbi yolla qaytarılması vəzifəsi qoymur. Delimitasiya prosesində onu təcrübi şəkildə həll etmək üçün real və obyektiv imkanlar mövcuddur. "Deməli, Ermənistanın Azərbaycana hücum etmək niyyəti haqqında tezislər sadəcə olaraq uydurmadır", deyə Paşinyan yazır.

Ermənistan öz ordusunda yuxarıda qeyd edilən prinsip çərçivəsində, yəni beynəlxalq səviyyədə tanınmış ərazisini qorumaq üçün islahatlar aparır və bu, istənilən ölkənin hüququdur.

Ermənistanın təhlükəsizliyi üçün təhdid Azərbaycandan gəlir, burada ən yüksək səviyyədə Ermənistanın ərazi bütövlüyünü şübhə altına qoyan bəyanatlar səslənir. Ermənistan baş naziri hesab edir ki, bu bəyanatlar "Qərbi Azərbaycan" haqqında tezisdə ən dolğun şəkildə əksini tapıb.

Bu vəziyyətin həlli masadadır, sülh müqaviləsinin maddələri kimi razılaşdırılıb. Ermənistan iki razılaşdırılmamış maddə ilə bağlı həlləri təklif edib və Azərbaycan tərəfindən müsbət cavab gözləyir.

Ermənistan Azərbaycandan Naxçıvana dəmir yolu daşımalarının həyata keçirilməsi və Ermənistan ərazisindən keçməklə və əks istiqamətdə beynəlxalq əlaqənin qurulması haqqında yazılı təklifi Azərbaycana təqdim edib və Azərbaycanın müsbət cavabını gözləyir.

 Bu günlərdə hərbi əsirlərin, girovların və itkin düşmüşlərin işləri üzrə ikitərəfli komissiyaların nümayəndələrinin görüşü keçirilib.

"Bütün bunlar o deməkdir ki, regionda gərginlik üçün heç bir zəmin yoxdur, sülh üçün bütün zəminlər yaradılıb. Gərginlik yaratma siyasətindən imtina etmək və institusional sülhü bərqərar etmək lazımdır. Ermənistan nəinki buna hazırdır, o, bu yoldan əl çəkməyəcək", deyə Nikol Paşinyan sonda qeyd edib.