Azərbaycan insan kapitalına görə dünyada 69-cu sırada qərarlaşıb - Deputat

Azərbaycan insan kapitalı indeksinə görə dünyada 157 ölkə arasında 69-cu qərarlaşıb. Bunu Sosial Tədqiqatlar Mərkəzinin sədri, deputat Zahid Oruc deyib. 

"Bu İndeksdə ilk beşlikdə olan ölkələrdən 4-ü Asiya qitəsini təmsil edir – Sinqapur (0.88), Cənubi Koreya (0.84), Yaponiya (0.84) və Hong Kong (0.82). Reytinqdə MDB ölkələrindən ən yüksək pillədə Qazaxıstan (31-ci sırada) qərarlaşır. Dünya Bankının hesabatına əsasən, hazırda Azərbaycan İnsan Kapitalı İndeksi göstəricisinə görə 0.60 bal almaqla 157 ölkə içərisində 69-cu yerdə qərarlaşıb", - deputat bildirib. 

Zahid Oruc vurğulayıb ki, Azərbaycanda 5 yaşına kimi olan uşaqların ölüm səviyyəsi getdikcə azalır və məktəbəqədər təhsil səviyyəsi gücləndirilir. 

Deputat dünyanın yenidən bölüşdülməsini diqqətə çatdıraraq ölkədə tədqiqatlar aparan universitetlərin olmasının vacib olduğunu qeyd edib. 

Aytac Zeynalova