Azərbaycanın Suriyadakı səfirliyi fəaliyyətini bərpa edib

Azərbaycanın Suriyadakı səfirliyi 13 ildən sonra fəaliyyətini bərpa edib. Bu barədə Azərbaycan Xarici İşlər Nazirliyi məlumat yayıb.

Səfirlik Suriyanın paytaxtı Dəməşqdə fəaliyyət göstərəcək. 

"Azərbaycan beynəlxalq hüququn prinsiplərinə əsaslanaraq Suriyada davamlı sülhün və sabitliyin bərqərar olmasını dəstəkləyir",-məlumatda qeyd edilib.

Bundan əvvəl Azərbaycan Prezidenti bildirib ki, Azərbaycan Suriya xalqına humanitar problemlərin həllində dəstək göstərməyə hazırdır.

Bundan əvvəl Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev jurnalistlərə açıqlamasında bildirib ki, Azərbaycan Suriya ilə dostluq münasibətlərini quracaq.

Dekabrın 8-də  gecə Suriyanın hökumət əleyhinə qüvvələri Dəməşqi nəzarət altına aldıqlarını və Əsəd rejimini devirdiklərini elan ediblər. Prezident isə ölkəni tərk edib və Rusiyada sığınacaq alıb.
 
Hazırda bir çox ölkələr Suriyada dəstək verməyə hazır olduqlarını bəyan ediblər. 

Gülnar Nazimqızı