Ermənistanın sürətlə silahlandırma siyasəti aparması bölgə üçün riskdir- XİN müavini

Vətən müharibəsindən sonra Ermənistan tərəfinin kifayət qədər sürətlə silahlandırma siyasətinin aparılması bölgə üçün ciddi risk təşkil edir. Bunu Azərbaycan xarici işlər nazirinin müavini Elnur Məmmədov jurnalistlər açıqlamasında deyib.

"Bu gün şərti sərhəddə mövcud olan Avropa ittifaqının missiyasi kimi özünü təqdim edən, amma faktiki olaraq kəşfiyyət fəaliyyəti ilə məşğul olan missiyanın fəaliyyəti bölgədə sülhə və sabitliyə ciddi risk yaradır. Biz mövqeyimizi davamlı olaraq çatdırmışıq. Hesab edirik ki, əgər bu gün biz artıq sülh sazişini razılaşdırıb bölgədə davamlı sülhün qurulmasından danışırıqsa, təbii ki, birinci və ikinci faktorun aradan qaldırılması vacib şərtdir. Yalnız bu halda bölgədə davamlı sülhün bərqərar olmasından danışa bilərik. Eyni zamanda iki dövlət arasında  bu müddət ərzində normallaşma ilə bağlı mətnin razılaşması çərçivəsində son iki bənd qalmışdı. Həmin bəndlərdə artıq razılaşdırılıb.  Hesab edirik ki, istiqamət olaraq düzgün istiqamətdə gedirik",- Elnur Məmmədov martın 14də keçirilən XII Qlobal Bakı Forumunda vurğulayıb.

Aytac