Avropa İttifaqı ilə ticarət dövriyyəsi 20 milyard ABŞ dolları olub

Azərbaycan və Avropa İttifaqı yeni hərtərəfli saziş üzrə danışıqların yaxın aylarda yenidən başlayacağını razılaşdırıblar. Bu barədə Azərbaycanın xarici işlər naziri Avropa İttifaqının xarici işlər və təhlükəsizlik siyasəti üzrə ali nümayəndəsi və Avropa Komissiyası sədrinin müavini Kaya Kallas ilə görüşdən sonra bildirib.

Bu Kallasın Bakıya səfəri, onun bu vəzifəyə təyin olunmasından sonra Azərbaycanla ikinci yüksək səviyyəli təmasıdır. Tərəflər ilk dəfə 2023-cü ilin dekabrında ATƏT Nazirlər Şurasının Malta iclası çərçivəsində görüşübdülər.

Azərbaycanlı nazir bildirib ki, Aİ-nin ali nümayəndəsinin səfəri, tərəflər arasında münasibətlərin hazırkı vəziyyətinin və gələcək perspektivlərinin qiymətləndirilməsi baxımından vacib fürsətdir.

Günün əvvəlində Kallaa və onu müşayiət edən nümayəndə heyəti ilə aparılan danışıqlarda bir neçə mühüm məsələ müzakirə olunub. Daha sonra Azərbaycan Xarici İşlər Nazirliyində təkbətək və geniş tərkibli görüşlər keçirilib.

Nazirin sözlərinə görə, Azərbaycan-Aİ münasibətləri 1999-cu ildə imzalanan tərəfdaşlıq və əməkdaşlıq sazişi ilə tənzimlənir. 2016-cı ildə verilən mandat əsasında, 2017-ci ildən başlayaraq yeni və hərtərəfli saziş üzərində danışıqlar aparılır. Bu müddətdə sənədin 90 faizi üzrə razılıq əldə olunub, əsasən ticarət və iqtisadi sahələri əhatə edən bəzi məsələlər isə açıq qalıb.

“Son illər danışıqlar prosesində müəyyən durğunluq müşahidə olunurdu. Lakin bu gün əldə olunan razılığa əsasən, növbəti aylarda danışıqlar davam etdiriləcək,” – nazir bildirib.

Azərbaycan tərəfi, eyni zamanda, Avropa İttifaqının Mərkəzi Asiya və regionla bağlı yeni planları fonunda tərəfdaşlıq sazişinin məzmununun genişləndirilməsinin mümkünlüyünü qeyd edib.

Nazir həmçinin vurğulayıb ki, 2024-cü ilin yekunlarına əsasən Avropa İttifaqı Azərbaycanın əsas ticarət tərəfdaşı olaraq qalır. Ticarət dövriyyəsi ötən il 20 milyard ABŞ dollarına yaxın olub.

N.Təbrizli